U Mahilovie napiaredadni Novaha hoda paśla 15 sutak aryštu na volu nie vyjšaŭ Uładzisłaŭ Pietračkoŭ. 28 śniežnia jon byŭ paŭtorna asudžany pa artykule 19.11 KaAP (raspaŭsiud infarmacyjnaj pradukcyi, jakaja źmiaščaje zakliki da ekstremisckaj dziejnaści).
Viadoma, što mužčyna ŭ listapadzie viarnuŭsia na radzimu z Hiermanii, dzie pracuje ŭžo niekalki hadoŭ, kab naviedać baćkoŭ.
Prykładna praź miesiac da jaho naviedalisia rabotniki milicyi i skłali pratakoł za kamientary ŭ sietcy internet, piša Mayday.team.
2 śniežnia Uładzisłaŭ Pietračkoŭ byŭ asudžany na 15 sutak pa artykule 19.11 KaAP i adpraŭleny adbyvać pakarańnie ŭ mahiloŭski IČU. Pakul jon znachodziŭsia pad aryštam, milicyja skłała na jaho novy pratakoł za čarhovuju porcyju kamientaroŭ.
Mužčyna ŭ 2020 hodzie zatrymlivaŭsia milicyjaj padčas pratestaŭ. Adnak palityčnym aktyvistam jon nie byŭ.
Čytajcie taksama:
HUBAZiK zatrymaŭ administratarku zakrytaha telehram-čata «DS Hrušaŭski kvartał»
Mikałaju Aŭtuchoviču za minuły hod nie pieradali nivodnaj banderoli
Što viadoma pra homielskuju ajcišnicu Volhu Błaževič, zatrymanuju za danaty na $80
