«Abstanoŭka na miažy ŭ 2023 hodzie była składanaja. Z 14 punktaŭ propusku na miažy ź Jeŭrapiejskim sajuzam sumiežny bok zakryŭ 7, u suviazi z čym ruch dla transpartu byŭ uskładnieny. Akramia taho, supracoŭniki dziaržsłužby susiednich krain davoli słaba apracoŭvali hruzapatok, z-za hetaha farmiravalisia surjoznyja čerhi pierad punktami propusku», — paskardziŭsia staršynia Dziaržaŭnaha mytnaha kamiteta Uładzimir Arłoŭski.
Transpartnyja patoki praź biełaruski ŭčastak hranicy JEAES u takich umovach pradkazalna źnizilisia. Tak, u 2023 hodzie praź biełaruskuju hranicu prajšło na 23,7 pracenta hruzavych transpartnych srodkaŭ mienš, čym za 2022 hod.
Pry hetym hruzapatoki pieraaryjentavalisia na ŭschod, i ŭžo da kanca 2023 hoda praz uschodni napramak pieramiaściłasia ŭ try razy bolš hruzaŭ, čym praz zachodni.
Čytajcie taksama:
Litva ŭzmocnić kantrol za ekspartam u Biełaruś, kab supraćstajać abychodu sankcyj
