Śviatłana Cichanoŭskaja kaža: «Praviadzicie hety dzień z karyściu dla siabie, a nie dla režymu!»
Kamanda Ofisa Śviatłany Cichanoŭskaj padrychtavała videa, dzie raskazała i pakazała, jak biełarusy mohuć pravieści hety dzień z karyściu dla siabie — zamiest udziełu ŭ padmanie.
«25 lutaha nie budzie nijakaha vybaru. U biuleteniach niama nijakaha vybaru, niama ludziej, jakija prapanujuć realnyja źmieny, bo režym dapuściŭ tolki zručnych maryjanietak», — kaža Cichanoŭskaja. Jana zaklikaje nie ŭdzielničać u biessensoŭnym farsie i ihnaravać jaho. Ale što rabić u niadzielu?
Daradca Franak Viačorka prapanuje pryhatavać biełaruskuju nacyjanalnuju stravu, źjeści samim abo pačastavać siabroŭ.
Hanna Krasulina — naviedać muziej. Anatol Labiedźka na spartyŭnaj placoŭcy prapanuje zhadać pra sport: «Padciahniciesia 15 razoŭ abo zrabicie šeść pieravarotaŭ».
«Sustreńciesia ź siabrami, abo z tymi, kaho daŭno chacieli abniać», — raić daradca pa moładzievaj palitycy Marharyta Vorychava.
«25 lutaha zastańciesia doma i a 10-j ranicy pa minskim časie na jutubie hladzicie marafon «Vybiraju novuju Biełaruś'25» — raić Alaksandr Dabravolski.
«Praviadzicie hety dzień z karyściu dla siabie, a nie režymu» — reziumuje Śviatłana Cichanoŭskaja.
Čytajcie taksama:
110 deputataŭ, jakija trapiać u parłamient-2024, — praviercie śpis paśla vybaraŭ
Hulnia ŭ imitacyju. BiełTA apublikavała fota z vybarčaha ŭčastku, zabluryŭšy tvary kandydataŭ
