Pra asablivaści hetaj uniformy piša śpiecyjalist pa imidžy Kaciaryna Hardziejeva.

Namieśnik staršyni Rady biaśpieki i eks-prezident Rasii «dzielić» Ukrainu. Skryn videa

Namieśnik staršyni Rady biaśpieki i eks-prezident Rasii «dzielić» Ukrainu. Skryn videa

Siońnia amal kožny viedaje, što pravilnym adzieńniem možna dadać sabie važnaści, prademanstravać mocnyja baki i schavać niedachopy. Biezumoŭna, takoj «supier siłaj» rečaŭ karystajucca i palityki. Praz aŭtfity jany nievierbalna tranślujuć svaju pazicyju pa tym ci inšym pytańni, nie parušajučy pry hetym pravił pratakołu.

Asam u spravie «stylnaj dypłamatyi» była byłaja Dziaržsakratar ZŠA Madlen Ołbrajt. Palityk virtuozna vykarystoŭvała broški, kab namiaknuć surazmoŭcam pra svajo sapraŭdnaje staŭleńnie da temy pieramoŭ. Tak, na aficyjnuju sustreču z rasijskimi pradstaŭnikami Ołbrajt nadzieła brošku ŭ vyhladzie žuka. Tym jana pakazała, što viedaje ab ustalavanym u kabiniecie prasłuchoŭvańni. Brošku ź Miki Maŭsam jana vykarystoŭvała na inšym mierapryjemstvie — kab pakazać, što ličyć pieramoŭny praces myšynaj vałtuźnioj.

Fota: Vikipiedyja

Fota: Vikipiedyja

Časam z dapamohaj vizualnaha vobraza palityki źviartajucca da elektarata. Naprykład, mer Tbilisi Kacha Kaładze nieachajnym, ale ŭltramodnym harderobam pakazvaje, što adnosić siabie da liku prahresiŭnych enierhičnych dziejačaŭ i raźličvaje zrabić daručany jamu horad takim ža sučasnym, jak i sam jon.

Fota: instahram dziejača

Fota: instahram dziejača

Pieršyja asoby Rasijskaj Fiederacyi imknucca nie adstavać ad zachodnich kaleh. Praŭda, pakul sproby akazvajucca chutčej niaŭdałymi.

Stylnymi patuhami asabliva vyłučajecca namieśnik staršyni Rady biaśpieki i eks-prezident Rasii Dźmitryj Miadźviedzieŭ. Miakki pa svajoj natury, jon vymušany zmahacca za miesca pad «kramloŭskaj zorkaj» z bolš mužnymi i ahresiŭnymi kalehami. Kab dadać sabie žorstkaści, jon vykarystoŭvaje brutalnyja rečy.

Fota: Ch (były tvitar) dziejača 

Fota: Ch (były tvitar) dziejača 

Voś i ciapier, čytajučy «hroznuju» lekcyju na marafonie «Viedy. Pieršyja» i prezientujučy «kartu padziełu Ukrainy», jon vyrašyŭ dadać sabie mocy i rašučaści «kreatyŭnym» harnituram. Na vystupleńnie Dźmitryj Miadźviedzieŭ pryjšoŭ u sinim kaściumie, jaki pa kroi nahadvaje vajenny mundzir vyšejšych čynoŭ. 

Fota: skryn ź videa

Fota: skryn ź videa

Padobnyja ŭbory lubić rasijski prapahandyst Uładzimir Sałaŭjoŭ. Adzin ź jaho kaściumaŭ, u jakim jon vychodzić u efir, padobny da husarskaj formy.

Skryn videa

Skryn videa

Kaspłeić vajskoŭcaŭ — daŭniaja tradycyja samych raznastajnych dyktataraŭ. Padobnaje adzieńnie nasili karejskija lidery Kim Ir Sen i Kim Čen Ir, zasnavalnik KNR Mao Czedun i prezident Centralnaafrykanskaj Respubliki, a pa sumiaščalnictvie ludajed, Žan Biedel Bakasa. Usie hetyja ludzi budavali ŭładu, abapirajučysia na štyki vajskoŭcaŭ, i vybaram adzieńnia sprabavali padkreślić svajo dačynieńnie da kłasa siłavikoŭ.

Mao Czedun. Fota: Vikipiedyja

Mao Czedun. Fota: Vikipiedyja

Być «svaim siarod mocnych», vidać, chaciełasia i Miadźviedzievu, ale dysanans pamiž asabistym bekhraŭndam i pažadanym vobrazam zanadta vialiki. Jak vynik: u kaściumie z tonkaj adparanaj voŭny jon padobny nie na bravaha vajskoŭca, a na savieckaha školnika, jakoha maci adpraviła na ranišnik va ŭbory čyrvonaarmiejca.

Vysnovaŭ z hetaha imidžavaha fakapa možna zrabić dva. Pieršy: zdavacca tym, kim nie źjaŭlaješsia, — drennaja stratehija, bo zapaminalny vobraz budujecca na asablivaściach čałavieka i jaho niepadobnaści da inšych. 

Stop-kadr ź filma

Stop-kadr ź filma

Tak, situacyju Miadźviedzieva moh by vyratavać kłasičny adnabortny harnitur pryhłušanaha koleru. U takim miakki «kruhleńki» palityk hladzieŭsia b bolš arhanična.

Vysnova druhaja: kali vielmi chočacca siabravać z samym «krutym» mužykom u kampanii, nie treba kapijavać jahonyja rysy. Kankurencyju maskulinnyja chłopcy nie lubiać, tamu ŭ svoj kłub nie pakličuć. Zatoje imidž kopii Doktara Zło — Mini My, prylepicca da vas nadoŭha.

Čytajcie taksama:

Dźmitryj Miadźviedzieŭ prydumaŭ kartu padziełu Ukrainy

Miadźviedzieŭ pahražaje Bierlinu, Łondanu i Vašynhtonu jadziernymi ŭdarami, kali Rasiju viernuć da miežaŭ 1991 hoda

«U tyja dni ludzi buduć šukać śmierci, ale nie znojduć jaje» — Miadźviedzieŭ

Клас
6
Панылы сорам
3
Ха-ха
61
Ого
0
Сумна
1
Абуральна
5

Chočaš padzialicca važnaj infarmacyjaj ananimna i kanfidencyjna?