Jaje pryznali vinavataj pavodle art. 369 Kryminalnaha kodeksa (abraza pradstaŭnika ŭłady). Aproč hetaha, jana musić vypłacić štraf u pamiery 40 bazavych vieličyń (1480 rubloŭ), materyjalnuju kampiensacyju maralnaj škody 600 rubloŭ i dziaržpošlinu na karyść dziaržavy ŭ 111 rubloŭ, piša «Viasna».
Viadoma, što pry hetym Volha — udava, jakaja vychoŭvaje traich niepaŭnahadovych dziaciej. Jana znachodziłasia na voli da sudu, ale viadoma, što jaje zatrymlivali na niekalki sutak da pradjaŭleńnia abvinavačańnia.
Sudździa Volha Hałaŭniova pryznała jaje vinavataj u tym, što jana zapościła ŭ instahram storyz, jakija nibyta źnievažali miascovaha inśpiektara DPS. Volha Hałamaka pryznała vinu i raspaviała, što raźmiaściła ŭ svaim instahramie rolik ź im, bo była pakryŭdžanaja tym, što supracoŭnik skłaŭ na jaje pratakoł ab administratyŭnym pravaparušeńni. Kali jaje spynili, u jaje mašyny nie było paśviedčańnia pra techničnaje absłuhoŭvańnie. Storyz mahli pahladzieć kala 60 čałaviek — mienavita stolki ŭ žančyny padpisantaŭ.
Supracoŭnik DPS zaprasiŭ pazoŭ 5000 rubloŭ, adnak Volha Hałamaka adznačyła, što heta suma zanadta vysokaja dla jaje. Sudździa źmienšyła jaje da 600 rubloŭ, jakija žančyna musić vypłacić na karyść «paciarpiełaha».
Čytajcie taksama:
Były palitviazień Andrej Kudzik nie vyjšaŭ na volu paśla «sutak» — kryminałka
Ad palitźniavolenaj Aleny Łazarčyk užo dva miesiacy niama listoŭ
U Krupkach sud apraŭdaŭ abvinavačanaha ŭ «raspaŭsiudzie ekstremisckich materyjałaŭ»
