Vitalina Pietrusievič pracuje na mahiloŭskim TB. Fota: telehram-kanał Azaronka
«Naša Niva» ŭžo pisała pra Vitalinu. U zahałoŭku taho artykuła stajała jaje cytata «Łukašenku lublu ŭsim svaim sercam». «Heta moj lubimy zahałovak artykuła», — acaniła prapahandystka.
«Možacie jašče dziesiać artykułaŭ napisać. Tak, ja sapraŭdy lublu ŭsim sercam našaha prezidenta. Heta nie adniać i ź mianie nie dastać nijak, nijakimi abcuhami».
Vitalina Pietrusievič zhadała, jak niadaŭna pierahladała kadry z žanočaha foruma na «Minsk-Arenie» ŭ vieraśni 2020-ha.
«Jak jany jaho sustrakali. Muraški pa skury, płakać chočacca ad ščaścia. I Ała Alaksandraŭna — heta naša hałoŭnaja žančyna ŭ vobłaści ŭ płanie taho, što ŭznačalvaje abłasny sajuz [žančyn] — skazała:
«Prezident syšoŭ, a my jašče vielmi doŭha stajali i apładziravali. A potym pačali płakać ad ščaścia, što ŭ nas taki prezident, što ŭ nas na čale taki mužčyna. My za im pojdziem».
Samoj dziaŭčynie 23 hady — adznačaje, što naradziłasia pry Łukašenku.
«Žyła pry im, žyvu pry im i chaču jašče stolki ž pry im pražyć. I ja heta kažu absalutna ščyra, bo ŭ mianie ŭsio było ŭ dziacinstvie. Dziciačy sad, škoła — usio biaspłatna. Miedycyna biaspłatna. Pastupać kudy chočaš — idzi, rabi kudy chočaš. Vybar jość. Nu chiba ad hetaha možna admovicca? Chiba prezidenta tut možna ŭ čymści vinavacić?»
Čytajcie taksama:
Piatro Piatroŭski: Treba ŭvodzić kryminalnuju adkaznaść za nacyjanalizm i libieralizm
