Ahnieška Ramašeŭskaja-Huzy

Ahnieška Ramašeŭskaja-Huzy

Ahnieška Ramašeŭskaja-Huzy piša, što jaje zvolnili pa dyscyplinarnym artykule. 

«Nu, tak by mović, majo zvalnieńnie było «pahłyblena», i siońnia mianie zvolnili dyscyplinarna ŭ nieadkładnym paradku i, viadoma, bieź jakoha-niebudź paviedamleńnia», — napisała jana.

Jana kaža, što ŭčora, kali zdavała abstalavańnie ŭ budynku TVP, jaje «kanvajavaŭ» sam načalnik Upraŭleńnia biaśpieki TVP. «I ŭ kancy ŭručyli dyscyplinarku. Heta značyć, jak ja razumieju, jany palavali, palavali, pakul, narešcie, nie vyrašyli, što jany niešta napalavali», — dadała jany.

Ahnieška Ramašeŭskaja-Huzy ličyć, što heta pomsta za toje, što jana nie dazvalaje siabie «ni kupić, ni zakryć sabie rot».

Jana dadaje, što ŭ suviazi z sudovym pazovam z TVP moža navat budzie vymušana abviaścić publičny zbor. «Tamu što hrošaj u mianie zusim nie budzie, ja nie viedaju dakładna, jak heta, ale ja dumaju, što navat za sakavik mnie nie zapłaciać u poŭnym abjomie», — dadała jana.

Ahniešku Ramašeŭskuju-Huzy 12 sakavika paśla 17 hod kiravańnia «Biełsatam» zvolnili z pasady dyrektarki. Pry hetym joj nibyta śpiarša prapanavali zvolnicca pa ŭłasnym žadańni i «z załatym parašutam», to-bok na vielmi dobrych umovach, ale žančyna na heta nie pahadziłasia.

Kiraŭnikom «Biełsata» staŭ Alaksiej Dzikavicki. 

Čytajcie taksama:

«Što značyć, što mnie chopić kiravać?» Byłaja kiraŭnica «Biełsata» raskazała, čamu jašče nie hatovaja pakinuć kanał

Dyrektarka «Biełsata» patłumačyła, što aznačaje skaračeńnie finansavańnia telekanała 

Dyrektarka «Biełsata»: Biudžet telekanała skaračajecca amal udvaja

Клас
3
Панылы сорам
11
Ха-ха
8
Ого
2
Сумна
3
Абуральна
9