Premjer-ministarka Italii Džordža Miełoni. Fota: Massimo Di Vita / Archivio Massimo Di Vita / Mondadori Portfolio via Getty Images
Miełoni patrabuje kampiensacyi ad 40-hadovaha mužčyny i jaho 73-hadovaha baćki. Miarkujecca, što jany vykłali na amierykanski pornasajt dypfejkavyja parnahrafičnyja videaroliki, na jakich nibyta — premjer-ministarka Italii. Videa sabrali miljony prahladaŭ. Heta adbyłosia ŭ 2020 hodzie, za dva hady da taho, jak Mełoni zaniała pasadu premjer-ministra Italii.
Abodvuch mužčyn vinavaciać u paklopie. Zhodna ź italjanskim zakanadaŭstvam, niekatoryja spravy ab paklopie mohuć być kryminalnymi i ciahnuć za saboj pakarańnie ŭ vyhladzie pazbaŭleńnia voli.
Čakajecca, što Miełoni daść pakazańni pa hetaj spravie ŭ sudzie Sardzinii 2 lipienia.
U vypadku prysudžeńnia joj kampiensacyi ŭ 100 tysiač jeŭra Miełoni paabiacała achviaravać hetyja hrošy ŭ fond žančyn, jakija paciarpieli ad chatniaha hvałtu. Advakat premjer-ministarki nazvaŭ pazoŭ «simvaličnym», zaklikanym «pasłać sihnał žančynam, jakija stali achviarami takoha rodu złoŭžyvańnia ŭładaj, nie bajacca vyłučać abvinavačańni».
Dypfejki — heta fota ci videa, na jakich tvar adnaho čałavieka źmiaščajecca na cieła inšaha z dapamohaj ličbavaj apracoŭki.
Niadaŭna Jeŭraparłamient uchvaliŭ pieršy ŭ śviecie zakon ab rehulavańni sistem štučnaha intelektu. Zhodna z dakumientam, sami pa sabie dypfejki nie ličacca niezakonnymi. Adnak ich stvaralnikaŭ abaviazali vyrazna paznačać, što vyjavy, videa ci aŭdyja zhienieravany niejrasietkoj.
Čytajcie taksama:
U Kitai stvaryli kłon ukrainskaj błohierki, jaki pradaje rasijskija tavary
