Pratesty kala HC «Ryha». Fota «Našaj Nivy»
Sudovyja pastanovy nie zaŭždy dazvalajuć kazać pra realnyja pryčyny zatrymańnia, to-bok, toje, jak mienavita «vychodziać» na tych ci inšych ludziej. Možna praanalizavać tolki dokazy, jakija ahučvali ŭ sudzie.
Miarkujučy pa raskładach sudoŭ, časta ludziej spačatku zatrymlivajuć za reposty abo łajki, a ŭžo paśla znachodziać u ichniaj technicy fota z pratestaŭ. Viadoma taksama, što častku ludziej tak zatrymlivali na miažy. Taksama niekatorych identyfikujuć pa adkrytych krynicach, a paśla znachodziać dadatkovyja dokazy. Ale ryzyku možna pasprabavać źmienšyć.
Fota ŭ telefonach i noŭtbukach padčas zatrymańnia ź inšaj nahody
Adzin dokazaŭ z pastanovaŭ, jaki paŭtarajecca rehularna — fota ŭ telefonie, noŭtbuku abo Google Photos. Pry hetym nie važna, ci jość sam čałaviek na fota — kali jon idzie ŭ kałonie pratestoŭcaŭ i zdymaje jaje abo kamientuje toje, što adbyvajecca, to heta taksama «ličycca».
U hetym vypadku čałavieka spačatku zatrymali pa administratyŭnaj spravie pra «raspaŭsiud ekstremisckich materyjałaŭ». Ale byvaje, što pra pryčynu papiaredniaha zatrymańnia ničoha nieviadoma, ale hałoŭny punkt abvinavačańnia — heta fota ŭ telefona zatrymanaha.
Taksama časta ludziej sudziać za toje, što znajšli ŭ telefonach inšych. Tamu važna vydalać ci pieranosić u biaśpiečnyja miescy fota zahadzia, asabliva tyja, dzie jość inšyja ludzi.
U hetym vypadku fotazdymki znajšli ŭ hramadzianina K., a paśla zatrymali i sudzili hramadzianina Š.
A ŭ hetym vypadku adšukali ažno traich ludziej praz zdymki z huhł-fota, jakija znajšli ŭ adnaho ź ich
Huhł moža vydać historyju vašych pieramiaščeńniaŭ. Jak abaranić vaš Google-akaŭnt — padrabiazny hajd
Jak nadziejna vyčyścić foty z vašych smartfonaŭ — padrabiazny hajd
Fota ŭ miesiendžarach — u čatach i paviedamleńniach
U hetym vypadku čałaviek dasłaŭ siabru fota z pratestaŭ. Admietna, što padsudnyja — H. i V., a ŭ Ł. pierapisku adšukali padčas ahladu telefona ź niejkaj inšaj nahody.
Pierapiski fihurujuć u jakaści dokazaŭ dastatkova časta. Tak adbyvajecca abo kali zatrymlivajuć samoha čałavieka, abo kali zatrymlivajuć inšaha čałavieka i znachodziać fota ŭ pierapiscy abo ŭ ahulnym siabroŭskim ci pracoŭnym čacie. Uvahu źviartajuć na ŭsie miesiendžary, a nie tolki na Telegram. Ich taksama važna vyčyščać zahadzia.
Adkrytyja telehram-čaty
Čałaviek pisaŭ u telehram-čatach i za heta jaho abvinavacili ŭ «zaklikach da hrubaha parušeńnia paradku». Pry hetym jaho ŭdzieł u pratestach nie dakazali.
Jašče adzin časty dokaz — paviedamleńni ŭ adkrytych telehram-čatach, kali ludzi abo kazali pra toje, što źbirajucca na demanstracyju, abo zaklikali na jaje inšych. Takija kamientary važna vydalać, a paśla — vydalać i pierastvarać telehram-akaŭnt. I ahułam kłapacicca pra biaśpieku vašaha telehrama.
Jak vydalić akaŭnt u Telegram i stvaryć jaho nanova na virtualny numar — pakrokavy hajd
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Fota i dopisy ŭ sacyjalnych sietkach
U hetym vypadku ŭ čałavieka znajšli fota z pratestaŭ u instahramie, ale zdarajecca, što znachodziać i ŭ inšych sacsietkach
Jašče adzin dokaz — videa, fota i dopisy z sacsietak. A adzin raz čałavieka sudzili pa artykule 342-2 za «nieadnarazovaje parušeńnie praviłaŭ praviadzieńnia masavych mierapryjemstvaŭ» za dopisy ŭ «Adnakłaśnikach».
Časta tam fihuruje taksama instahram (navat toje, što jość tolki ŭ archivach), ale čas ad času i inšyja (naprykład, fejsbuk). Sacsietki taksama važna pačyścić.
Jak pravilna čyścić svoj akaŭnt u Instagram, kab zaścierahčy siabie. Padrabiazny hajd
Jak zaścierahčy siabie ŭ VK, Facebook i «Adnakłaśnikach» — padrabiazny hajd
Raskazvajem, jak daviedacca, dzie i kamu vy stavili łajki ŭ sacsietkach, i pierastrachavacca
Videazapisy z vuličnych kamieraŭ i ad milicyi, a taksama apieratyŭnaja infarmacyja ad śpiecsłužbaŭ
U hetym vypadku videazapisy, imavierna, pradstaviŭ UUS Žłobinskaha rajvykankama
Heta jašče adzin z dokazaŭ, jaki sustrakajecca rehularna. Časta heta hrupavyja spravy abo kanviejernyja — naprykład, niadaŭna tak masava sudzili žycharoŭ Žłobina.
Taksama pieryjadyčna infarmacyja pra ŭdzielnikaŭ mitynhaŭ pastupaje ad inšych strukturaŭ, naprykład, ad KDB, jaki sam nie viadzie takija spravy.
U jakaści dokazu — paviedamleńnie ad KDB
Abaranicca ad takoha, badaj, niemahčyma.
Raspaznavańnie tvaraŭ: što heta takoje, jak jano pracuje i jakija zdolnaści biełaruskich siłavikoŭ
Vyjavy ź miedyja i jutuba
U hetym vypadku čałavieka znajšli praz adnu ź internet-tranślacyjaŭ
Heta jašče adzin z samych častych dokazaŭ. U internecie tysiačy fotazdymkaŭ z pratestaŭ u adkrytych krynicach. Zrabić z hetym ničoha nielha, adznaje, što vy možacie zrabić — pakłapacicca pra vašy ŭłasnyja jutub i huhł-akaŭnty (apošni moža zachoŭvać historyju pieramiaščeńniaŭ i danyja z huhł-drajv).
Jak pačyścić i abaranić vaš YouTube — padrabiazny hajd
Huhł moža vydać historyju vašych pieramiaščeńniaŭ. Jak abaranić vaš Google-akaŭnt — padrabiazny hajd
U hetym vypadku čałavieka adšukali praz fota na nieviadomym miedyja, nazva jakoha pačynajecca na U.
Z fota z adkrytych krynicaŭ ničoha zrabić, na žal, nielha — navat kali miedyja pačnuć ich masava vydalać, bolšaja častka infarmacyi zachoŭvajecca jak resursami dla analizu inšych resursaŭ (kštałtu tgstat dla telehrama), abo archivatarami internetu (kštałtu web.archive.org).
Tyja, chto prychodziać sami
Tut vidavočnaja pryčyna sudu — niekatoryja biełarusy pišuć jaŭki z pavinnaj. My adšukali try takija pastanovy. Usim hetym abvinavačanym dali «chatniuju chimiju», da suda jany byli na voli.
Vypadak, kali čałaviek pryjšoŭ ułasnaručna
Danosy
My znajšli dźvie pastanovy, dzie jość vidavočnaje ŭkazańnie na danos u bot HUBAZiK.
Danosy sapraŭdy isnujuć, ale heta, imavierna, nie takaja masavaja źjava, jak chaciełasia b siłavikam.
Ukazańnie na toje, što ŭ bot HUBAZiK pastupiła infarmacyja pra čałavieka
Čat-bot dla danosaŭ
Što takoje «telehram-čat P.» — dakładna nieviadoma
U dvuch pastanaŭleńniach, adšukanych nami, u jakaści dokazu abvinavačańnia fihuruje «čat P.». U 2022-m jon fihuravaŭ jak minimum adzin raz, adtul ža viadoma, što heta čat-bot i pryviazany da jaho telehram-čat. Takoje časta robiać, naprykład, administratary kanałaŭ.
Moža być dva varyjanty — abo heta ŭnutrany čat-bot siłavikoŭ, abo heta niejki bot, u jaki skidvajucca danosy. Druhoje zdajecca najbolš imaviernym, bo źviestki byli atrymanyja a 5-j ranicy, siłaviki ŭ hety čas nie pracujuć.
Druhoje pastanaŭleńnie, dzie fihuruje «čat P.» (skaročany da T.P.)
U abodvuch vypadkach ludzi skidvali tudy spasyłku na niejkuju vyjavu. U adnym z vypadkaŭ skinuli spasyłku na instahram z asabistymi źviestkami achviary.
Uskosnyja dokazy
Akramia pramych dokazaŭ — naprykład, fota abo videa z pratestaŭ, u niekatorych ludziej u jakaści dokazaŭ ukazanyja ŭskosnyja prykmiety. Zvyčajna heta adzieńnie, u jakim čałaviek byŭ padčas pratestaŭ, a taksama toje, što telefon čałavieka byŭ aktyŭny ŭ miescy praviadzieńnia pratestaŭ u peŭny čas.
U jakaści dokazaŭ u adnoj z pastanovaŭ fihuruje adzieńnie, u jakim ludzi, imavierna, byli na pratestach i paraŭnańnie jaho z tym, što bačna na haradskoj videakamiery
Ale byvajuć i aryhinalnyja dokazy.
U jakaści dokazaŭ — historyja braŭziera, u jakim było fota z pratestaŭ
Častku hetych rečaŭ možna schavać abo źniščyć — naprykład, płakaty, vopratku abo historyju internet-siorfinhu ci pošuku. Častku źniščyć niemahčyma — naprykład, historyju vašaha pieramiaščeńnia razam sa smartfonam, bo jaho zachoŭvaje mabilny apieratar na svaim boku.
Vysnovy
Pa-pieršaje, imavierna, u siłavikoŭ niama sistemy, jakaja b aŭtamatyčna šukała ŭsich biełarusaŭ-pratestoŭcaŭ pa fota — takaja jość, naprykład, u Kitai. Heta značyć, što sistema videanazirańnia ŭsio ž pracuje hetaksama jak i Kipod — moža manitoryć u režymie realnaha času i aŭtamatyčna raspaznavać abmiežavanuju kolkaść ludziej.
Pa-druhoje, značnuju častku pahrozaŭ možna praduchilić. Pošuk pa videa ź miedyja ci ŭłasnych bazaŭ budzie patrabavać ad siłavikoŭ značna bolš vysiłkaŭ. Achviary represiŭnaj mašyny, na žal, niepaźbiežnyja, ale ryzyku mahčyma źmienšyć — chacia b zrabić tak, kab nie aryštavali vašych siabroŭ abo vy abyjšlisia 342-m artykułam, pa jakim čaściej za ŭsio dajuć chatniuju chimiju (byvajuć i vyklučeńni). Dla hetaha pačyścicie vašy sacsietki i miesiendžary, huhł i jutub-akaŭnty, a taksama budźcie aściarožnyja jak u internecie, hetak i ŭ realnym žyćci.
Pa-treciaje, całkam abaranicca niemahčyma. Kali vy chadzili na pratesty ź niezakrytym tvaram i patrapili ŭ miedyja ci na videa siłavikoŭ, to rana ci pozna vas mohuć aryštavać. Taksama nikoli nielha vyklučać čałaviečy faktar — vas moža «zdać» były kachanak ci kaleha.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Što mienavita siłaviki praviarajuć u smartfonach zatrymanych biełarusaŭ i jak abaranicca
Što novaha praviarajuć u telefonach na miažy pry viartańni ŭ Biełaruś
Jak padrychtavacca da pierachodu miažy? Raspytali ŭ tych, chto jaje niadaŭna prachodziŭ
