Nie ŭsie viedajuć, što cukar, akramia sałodkaha smaku i vysokaj kałaryjnaści, maje jašče šerah admietnaściej. Adna ź ich — zdolnaść aśviažyć koler tkanin.
Dla hetaha dastatkova zamačyć adzieńnie ci bializnu ŭ rastvory cukrovaj vady (adna-dźvie stałovyja łyžki na piać litraŭ vady) i pakinuć na niekalki hadzin. Zatym pamyć jak zvyčajna.
Takoje zamočvańnie pieraduchilić liniańnie tkanin i ŭzmocnić ich naturalny koler. Pryčym efiekt budzie zaŭvažny jak na biełym, tak i na ciomnym adzieńni.
Kali ŭ vas niama času ci achvoty zamočvać bializnu, to možna prosta dadać adnu-dźvie stałovyja łyžki cukru ŭ adździeł dla parašku ci prosta ŭ baraban pralnaj mašyny. Efiekt budzie toj ža. Akramia hetaha, cukar abaronić tkaniny ad defarmacyi pry myćci. Asabliva kali jany z naturalnaha šoŭku, voŭny ci kašemiru.
Cukar taksama možna vykarystać na etapie pałaskańnia. Ale dla adzieńnia jon nie pasuje. Zatoje vielmi efiektyŭny dla štoraŭ. Dla hetaha ŭ adździeł dla kandycyjanieru treba zasypać 2—3 stałovyja łyžki cukru.
Pałaskańnie z dadatkam cukru dadać štoram pryhažości i pazbavić składak. Dla lepšaha efiektu štory rekamiendujecca adrazu paśla myćcia paviesić. Jany vyciahnucca pad ułasnaj vahoju.
Cukar — nie adziny tradycyjny, babulin srodak dla myćcia. My pisali raniej pra efiekt, jaki akazvaje dabaŭleńnie ŭ pralnuju mašynu łaŭrovaha lista.
Čytajcie jašče:
Akazvajecca, my ŭsio žyćcio niapravilna myli bializnu. Voś, jak heta rabić najbolš efiektyŭna
Hety mietad dapamoža vam zekanomić na myćci adzieńnia. Jon vielmi prosty
