Rybnaja fierma ŭ Narviehii. Fota: franckreporter / Getty Images
Jak piša Le Monde, u 2023 hodzie ekspart morapraduktaŭ prynios Narviehii 15 miljardaŭ jeŭra, što na 13% bolš za pakazčyk papiaredniaha hoda. Tolki łasosia hetaja kraina ekspartavała 1,2 miljona ton.
Ale za hetymi ličbami chavajecca davoli zmročnaja realnaść. Pa źviestkach Narviežskaha vieterynarnaha instytuta, uzrovień śmiarotnaści ryby ŭ rybhasach skłaŭ 16,7%, zahinuła 62,8 miljona asobin łasosia. I heta samy vialiki pakazčyk za ŭsiu historyju. U niekatorych rajonach zahinuła kožnaja čaćviortaja asobina.
Pa słovach śpiecyjalistaŭ, tendencyja rostu śmiarotnaści nazirajecca apošnija piać-šeść hadoŭ, pry hetym pryčynu hibieli piataj častki ryby vyśvietlić nie ŭdajecca. U 38% vypadkaŭ da hibieli pryviali infiekcyjnyja zachvorvańni, a ŭ 33% — nastupstvy traŭmaŭ ci paškodžańniaŭ, jakija čaściej za ŭsio ŭźnikajuć pry rehularnych apracoŭkach ryby ad łasosievych vošaŭ, na jakija pakutuje ryba ŭ intensiŭnych rybavodčych haspadarkach.
Pa praviłach, jakija rehulujuć akvakulturu, fiermieram zabaraniajecca mieć bolš za 0,5 parazita na adnu rybu. Dla baraćby z vošami pieršapačatkova vykarystoŭvali leki. Ale ŭ apošnija hady parazity stali da ich ustojlivymi.
U takich umovach adzinym rašeńniem zjaŭlajecca miechaničnaja apracoŭka. Rybu vymajuć z vady, pramyvajuć i časam čyściać ščotkaj, a zatym znoŭ vypuskajuć u vadajom.
Pa słovach śpiecyjalistaŭ, takaja pracedura paŭtarajecca niekalki razoŭ na praciahu žyćcia ryby i vyklikaje ŭ jaje vialiki stres. Akramia hetaha joj mohuć być naniesieny fizičnyja traŭmy padčas transpartavańnia i pałaskańnia, jakoje moža paškodzić ślizistaje pakryćcio skury ryby. Paškodžańnie ślizi, jakaja słužyć abarončym barjeram, pavialičvaje ryzyku raźvićcia infiekcyj. Takim čynam stres i paškodžańni stvarajuć zahannaje koła, i ryba bolš chvareje.
Intensiŭnaje rybavodstva pryvodzić da vysokaj ščylnaści ryby ŭ sadkach i stvaraje ŭmovy dla raspaŭsiudžańnia parazitaŭ. Ale, jak śćviardžajuć śpiecyjalisty, situacyja nie bieznadziejnaja. Niekatorym zavodčykam udałosia źnizić hibiel ryby da pakazčyka mienšaha za 10% dziakujučy raźmiaščeńniu svaich fiermaŭ u spryjalnych zonach ź mienšaj ščylnaściu ryby, a taksama dziakujučy bolš efiektyŭnym mietadam viadzieńnia haspadarki.
Ale i taki pakazčyk zjaŭlajecca vielmi vysokim.
U narviežskim hramadstvie raście kolkaść praciŭnikaŭ pramysłovaha vyroščvańnia łasosia ŭ akvakultury. Adpaviedna apošniamu apytańniu, vyniki jakoha apublikavanyja 21 sakavika, pra svajo admoŭnaje staŭleńnie da hetaha zajaviła 37% respandentaŭ.
Urad krainy rychtuje aficyjny dakumient (tak zvanuju «biełuju knihu») ab abaronie žyvioł, jaki pavinien pryvieści da źmieny zakanadaŭstva, a hrupa deputataŭ prapanavała prajekt zakona, nakiravany siarod inšaha na abmiežavańnie vydačy licenzij dla zavodčykaŭ, na fiermach jakich śmiarotnaść pieravyšaje 5%.
Čytajcie jašče:
Narviehija dazvoliła svaim kampanijam napramuju pradavać uzbrajeńnie Ukrainie
Mintaj, chiek, skumbryja… Jakuju rybu lubiać biełarusy i adkul jaje pryvoziać?
U Izraili stvaryli całkam raślinnaje file łasosia
Jakaja suviaź pamiž BiełAES i atłantyčnym łasosiem? Akazvajecca, samaja niepasrednaja
