Były ŭłaśnik «Motavieła» Muraŭjoŭ: Ja zrazumieŭ, što Babaryka źbirajecca ŭ prezidenty, našmat raniej za 2020 hod 10

Alaksandr Muraŭjoŭ znajomy ź Viktaram Babarykam z 1992 hoda. U intervju «Biełsatu» jon raskazaŭ, što navina ab tym, što Babaryka źbirajecca vyłučacca kandydatam na prezidenckija vybary, nie vyklikała ździŭleńnia.

«Ab tym, što jon źbirajecca iści ŭ prezidenty, ja daviedaŭsia našmat raniej. Dzieści, chiba ŭ 2019-m hodzie, ja pračytaŭ jaho intervju ab biznesie. Intervju dastatkova prafiesijnaje. Niechta pobač sa mnoju na narach byŭ, i ja skazaŭ prostuju frazu: «Vicia idzie ŭ prezidenty», — zhadvaje Muraŭjoŭ.

Jon dadaje, što pamyliŭsia ŭ prahnozach, bo dumaŭ, što pieramieny ŭ krainie ŭsio ž adbuducca.

Alaksandr Muraŭjoŭ. Skryn videa belsat_news / YouTube

Pa słovach Muraŭjova, u 2020 hodzie nie tolki jon, ale i šmat chto ŭ kałonii, dzie mužčyna adbyvaŭ termin, uklučna z administracyjaj, dumali, što ŭ Babaryki jość šaniec vyjhrać.

Čytajcie jašče:

«Kali jon išoŭ u prybiralniu, viedała ŭsia kałonija, bo pra heta apaviaščała sihnalizacyja». Były źniavoleny raskazaŭ pra Viktara Babaryku

Biznesmien Muraŭjoŭ, jaki 7 hadoŭ prasiadzieŭ u biełaruskaj turmie, źbirajecca sudzicca za svaju majomaść u Aŭstryi

Byłoha ŭładalnika «Motavieła» vyzvalili ŭmoŭna-daterminova — «Biełsat»

7

3

1

1

7

2

Nashaniva.com