Aleś Bialacki ŭ sudzie. Fota Vitala Pivavarčyka, BiełTA
Jahonaja žonka Natalla Pinčuk u intervju Associated Press raspaviała pra bojaź nakont zdaroŭja muža.
Natalla Pinčuk adznačyła, što apošnija paŭhoda 61-hadovy pravaabaronca znachodzicca ŭ adzinočnaj kamiery, niahledziačy na chraničnyja zachvorvańni. Jana paviedamiła, što daviedałasia ad ludziej, jakija vyjšli z turmy, što stan Alesia Bialackaha praciahvaje paharšacca.
Žonka pravaabaroncy zaklikała AAN «dziejničać bolš aktyŭna», kab dapamahčy Alesiu Bialackamu, jaki adbyvaje 10-hadovy termin. Natalla Pinčuk taksama zaklikała sadziejničać vyzvaleńniu i inšych palitviaźniaŭ u Biełarusi.
Alesia Bialackaha zatrymali 14 lipienia 2021 hoda razam z Valancinam Stefanovičam i Uładzimiram Łabkovičam i ŭ sakaviku 2023 hoda asudzili na 10 hadoŭ kałonii. Pakarańnie jon adbyvaje ŭ kałonii ŭ Horkach.
Čytajcie taksama:
«U Horkach sabrali adkidy ź inšych kałonij». Siarod jakoha kantynhientu apynuŭsia Aleś Bialacki
