Ramarya padčas karnavała ŭ Ejdchovienie ŭ 2019 hodzie, dzie ŭzyšła jaho zorka. Fota: VI Images via Getty Image
Ramarya adnaviŭ karjeru ŭ 58 hadoŭ u kłubie «Amieryka» z Rya-de-Žaniejra, kab zhulać z synam. Ramarya źjaŭlajecca prezidentam «Amieryki», piša ESPN.
Były forvard pravioŭ apošni aficyjny matč u karjery ŭ 2009-m mienavita za «Amieryku», lubimy kłub svajho baćki. U tym ža hodzie jon staŭ prezidentam kłuba, u 2010-m jaho abrali ŭ nižniuju pałatu Nacyjanalnaha kanhresa, a ŭ 2014-m — sienataram.
Jahony syn, 30-hadovy forvard Ramaryńjo, niadaŭna pierajšoŭ u «Amieryku».
Ramarya zajaviŭ, što nie płanuje paŭnavartasna ŭdzielničać u čempijanacie (druhi dyvizijon štata), a «lepš praviadzie niekalki matčaŭ za kamandu svajho serca i ažyćciavić jašče adnu maru, hulajučy razam sa svaim synam».
Ramarya (Ramarya de Soŭza Faryja) naradziŭsia ŭ 1966-m u Rya-de-Žaniejra. Pačaŭ futbolnuju karjeru ŭ «Vaska de Hama», u 1988-m pierabraŭsia ŭ Jeŭropu. Hulaŭ za niderłandski PSV (Ejndchovien), «Barsiełonu», «Valensiju», u 1997-m viarnuŭsia ŭ Braziliju, dzie hulaŭ za «Vaska de Hamu», «Fłamienha», «Fłuminense» (usie kamandy z Rya-de-Žaniejra), taksama hulaŭ za katarski «Al-Sad», aŭstralijskuju «Adełaidu Junajted», fłarydski «Fort Łoderdejł», potym znoŭ viarnuŭsia ŭ «Vaska de Hamu», ale skončyŭ karjeru ŭ «Amierycy» z Rya.
Ramarya byŭ pryznany najlepšym hulcom pieramožnaha dla Brazilii čempijanatu śvietu 1994 hoda i ŭ tym ža hodzie byŭ pryznany najlepšym futbalistam hoda pavodle viersii FIFA.
Na jaho rachunku taksama Kubak Kanfederacyj (1997), dva Kubki Amieryki (1989, 1997) i srebra Alimpijady-1988, dzie jon staŭ najlepšym bambardziram. Usiaho jon adyhraŭ za asnoŭnuju zbornuju 71 matč i zabiŭ 55 hałoŭ, a na Alimpijadzie zabiŭ siem hałoŭ u šaści hulniach.
Čytajcie taksama:
Ahoń u Dortmundzie i siensacyja ŭ Barsiełonie: vyznačylisia pieršyja paŭfinalisty Lihi čempijonaŭ
«Bajer» ź Levierkuzena ŭpieršyniu ŭ svajoj historyi staŭ čempijonam Hiermanii pa futbole
Žonka najlepšaha futbalista śvietu — 2007 raźviałasia ź im, bo jon byŭ zanadta idealny
