Ilustracyjnaje fota. Shandyba Mykyta, Ukrainian 10th Mountain Assault Brigade «Edelweiss» via AP
Sumu sabrali mienš čym za dvoje sutak. U kampanii, jakaja prachodzić pad łozunham «Kali ŭrad nie moža — zmožam my», uziali ŭdzieł bolš za 32 tysiačy čałaviek, piša Bi-bi-si.
Zbor srodkaŭ dapamoh zapuścić 99-hadovy Ota Šymko, jaki braŭ udzieł u słavackim paŭstańni suprać nacystaŭ u 1944 hodzie i pieražyŭ Chałakost.
Premjer-ministr Słavakii Robiert Fica pakul nijak nie kamientavaŭ pośpiech hetaj inicyjatyvy.
Ministr abarony krainy Robiert Kaliniak zajaviŭ, što Słavakija — demakratyčnaja kraina i jaje žychary mohuć rabić, što chočuć. Urad, pavodle jaho słoŭ, zamiest vajennaj dapamohi budzie pradastaŭlać Kijevu inšuju dapamohu, naprykład, z raźminiravańniem.
Partyja Robierta Fica «Kurs — sacyjalnaja demakratyja» pieramahła na parłamienckich vybarach, jakija prajšli ŭ Słavakii 30 vieraśnia 2023 hoda. Paśla hetaha ŭrad Słavakii zajaviŭ, što spyniaje adpraŭku vajennaj dapamohi Ukrainie.
Čytajcie taksama:
«Tydzień siadzieli ŭ zasadzie». Budanaŭ raskazaŭ, jak siońnia nočču źbili rasijski Tu-22
Krainy NATA vyrašyli pieradać Ukrainie dadatkovyja srodki supraćpavietranaj abarony