Viktar Babaryka. Archiŭnaje fota: Naša Niva
Reform.news udałosia znajści kala 80 paviedamleńniaŭ sa zhadvańniem Babaryki, bolš za pałovu hetych paviedamleńniaŭ napisanyja 28 lipienia 2020 hoda, i ŭ ich utrymlivajucca prośby vypuścić palityka ź SIZA.
Nahadajem, u kancy lipienia 2020 hoda abjadnanaja kaalicyja štaboŭ kandydata ŭ prezidenty Śviatłany Cichanoŭskaj raspaŭsiudziła zaklik dałučycca da padačy chadajnictva ab zamienie Viktaru Babaryka miery strymańnia ŭ vyhladzie zaklučeńnia pad vartu na asabistaje daručalnictva. Padaču chadajnictvaŭ u pryjomnuju centralnaha ofisa KDB u Minsku pryznačyli na 16: 00 28 lipienia. U vyniku było zatrymana bolš za 50 čałaviek, u tym liku žurnalisty.
Viktar Babaryka i jaho syn Eduard byli aryštavanyja i źmieščanyja ŭ SIZA KDB 18 červienia 2020 hoda. Jany dahetul znachodziacca ŭ źniavoleńni. 6 lipienia 2021 hoda Viktar Babaryka byŭ prysudžany da 14 hadoŭ pazbaŭleńnia voli. 5 lipienia 2023 hoda Eduardu Babaryku dali 8 hadoŭ kałonii va ŭmovach uzmocnienaha režymu. Niekalki dzion tamu stała viadoma, što Eduardu mohuć dadać jašče adzin hod.
Čytajcie taksama:
Eduardu Babaryku mohuć dadać hod źniavoleńnia
Viktaru Babaryku — 60. Što viadoma pra jaho za kratami
Ściapana Łatypava zdaŭ KDB jahony rasijski kaleha-arbaryst. Ale sam sprabuje admaŭlać heta