Milinkievič i Kazulin praihnaravali Palitradu ADS 24

24 studzienia, paśla bolš čym hadavoha pierapynku, u Minsku prajšło čarhovaje pasiadžeńnie palitrady Abjadnanych demakratyčnych sił.

Pasiadžeńnie adbyłosia ŭ šykoŭnaj zale hatela «Kraŭn Płaza» ŭ stalicy. Na jaho sabralisia 89 čałaviek, u tym liku 28 členaŭ palitrady, deputaty z rehijonaŭ, dypłamaty (pasoł Vialikabrytanii, pradstaŭniki Polščy, Čechii, Italii, Vienhryi, Litvy, Estonii, Ofisa ABSIE ŭ Minsku).

Adnak

na Palitradu nie pryjšli zaprošanyja na jaje pradstaŭniki Ruchu za Svabodu, a taksama Alaksandr Kazulin i lidery «Jeŭrapiejskaj kaalicyi».

Vystupajučy na pasiadžeńni sustaršynia ADS, lider Biełaruskaj partyi levych «Spraviadlivy śviet» Siarhiej Kalakin, alternatyvy Abjadnanym demakratyčnym siłam va ŭmovach dyktatury niama. Pry hetym jon padkreśliŭ, što ŭ ciapierašnich umovach «biezadkazna dziejničajuć tyja, chto sprabuje razburyć hetuju placoŭku pa kaardynacyi dziejańniaŭ demakratyčnych sił».

Kiraŭnik płanava-analityčnaj hrupy ADS Vacłaŭ Areška miarkuje, što kaalicyi nieabchodna prypynić kurs na dyjałoh z uładaj.

Pavodle jaho słoŭ, viarnucca da sprobaŭ naładzić dyjałoh z uładami varta tady, kali baki zmohuć vieści jaho na roŭnych. Dyjałoh na pryncypova novaj asnovie mahčymy tolki va ŭmovach stvareńnia ŭ hramadstvie bipalarnaj situacyi, kali ŭpłyŭ apazicyi budzie paraŭnalnym z upłyvam ułady. Tady nacisk na ŭładu jak mietad prymusu jaje da pieramoŭ budzie składvacca nie tolki z asobnych akcyj pratestu. Naciskam budzie sam fakt najaŭnaści mocnaj apazicyi, jakaja vałodaje alternatyŭnym mierkavańniem i padtrymlivajecca narodam», — skazaŭ palityk.

U svaju čarhu vieteran biełaruskaj palityki Juryj Chadyka zajaviŭ, što kaalicyja na miažy raspadu. Pavodle jaho słoŭ, palitrada nie źbirałasia ŭžo paŭtara hoda i nivodzin z sustaršyniaŭ kaalicyi ŭ svaim vystupleńni nie rastłumačyŭ pryčynu hetaha.

Praz adsutnaść kvorumu palitradat nie zmahła pryniać u skład ADS arhanizacyi «Sajuz Čarnobyl-Biełaruś» i «Maładaja Biełaruś».

Tym nie mienš, členy palitrady pryniali rašeńnie rekamiendavać «Sajuzu Čarnobyl-Biełaruś» i «Maładoj Biełarusi» brać udzieł u pracy kaardynacyjnych orhanaŭ ADS.

Palitrada vyrašyła, što ADS pavinny pradoŭžyć pracu pa vyznačeńni pryncypaŭ vyłučeńnia adzinaha kandydata na pasadu prezidenta.

U toj ža čas

raniej zapłanavanyja Abjadnanymi demakratyčnymi siłami na pačatak 2010 hoda prajmieryz nie adbuducca, paviedamiŭ ahienctvu BiełaPAN 24 studzienia sustaršynia ADS, lider Abjadnanaj hramadzianskaj partyi Anatol Labiedźka.

Razam z tym jon zaznačyŭ, što «ad prajmieryz nichto nie admaŭlajecca». «Ciapier idzie dyskusija jak ab časie, tak i ab farmacie ich praviadzieńnia», — skazaŭ palityk.

Labiedźka taksama paviedamiŭ, što «kali ŭsio budzie narmalna, to praviadzieńnie prajmieryz moža być sumieščana pa časie ź miascovymi vybarami», jakija projduć 25 krasavika.

Pieršapačatkova ADS zajaŭlali ab namiery pravieści prajmieryz na ahulnarespublikanskim uzroŭni, kab vyznačyć adzinaha kandydata ŭ prezidenty ad demakratyčnych sił, u druhoj pałovie 2009 hoda. Zatym było vyrašana pravieści ich spačatku na ŭzroŭni adnaho — Aršanskaha — rajona ŭ studzieni-lutym 2010 hoda.

BiełaPAN; Siarhiej Hiezhała

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH