«Až da zvalnieńnia»: rabotnikam dziaržstruktur rekamiendujuć nie jeździć u «niesiabroŭskija» krainy 34

Pasłańnie Łukašenki. Skrynšot ź videa

Pra toje, što štatnyja hebisty, akramia začystki patencyjna niełajalnych, stali cikavicca padarožžami rabotnikaŭ za miažu, «Našaj Nivie» sihnalizavali biudžetniki z roznych śfier: vytvorčaści, kiravańnia, adukacyi.

Łukašystaŭ chvalujuć pajezdki biełarusaŭ u «niesiabroŭskija krainy», pad čym u pieršuju čarhu majucca na ŭvazie prylehłyja krainy Jeŭrasajuza — Polšča, Litva i Łatvija, najbolš dastupnyja dla biełarusaŭ. 

«Kažuć, što rabić tam niama čaho: čerhi na hranicach, finansavy kryzis u ES, nu i raźviedki, naturalna, bačać biełarusaŭ i sprabujuć ich vierbavać. Asabliva ŭkrainskaja, jakaja, maŭlaŭ, svabodna siabie adčuvaje ŭ Jeŭropie. 

Takuju razmovu pravodziŭ asabista naš ideołah, u minułym štatny aficer KDB, jaki źjaviŭsia ŭ arhanizacyi ŭ 2022 hodzie, — raskazała «Našaj Nivie» supracoŭnica dziaržaŭnaha pradpryjemstva. — 

Z druhoha boku, jon ahitavaŭ: masa turystyčnych maršrutaŭ adkryta na ŭschodzie, jedźcie tudy i nie sprabujcie ničoha chavać: jość mahčymaści zapytvać infarmacyju ab vyjezdach supracoŭnikaŭ.

I kali stanie viadoma, što niechta biez pryčyny jeździć u niesiabroŭskija krainy, to nastupstvy — až da zvalnieńnia. Našy maładyja dzieŭki z zamiežnikami-uchažorami troški prysumavali», — apaviadaje žančyna. 

«Nam daviali, što vyjezdy ŭ niesiabroŭskija krainy niepažadanyja.

Maŭlaŭ, pakarańniaŭ za heta nie budzie, ale moža być pryniata da ŭvahi pry razhladzie pytańniaŭ. Tak što vybirajcie, što vam važniejšaje: karjera abo pajezdki ŭ Varšavu da siabroŭ.

Nu i taksama skazali, što častyja pajezdki mohuć być uspryniaty niehatyŭna tymi strukturami, jakija «za nami pryhladajuć». Mahčymyja vykliki tudy. Dumaju, zastrašvajuć pa raznaradcy», — skazaŭ supracoŭnik dziaržaŭnaj arhanizacyi, jakaja vyrablaje techniku. 

Supracoŭniki dziaržaŭnaha pradpryjemstva słuchajuć vysokapastaŭlenaha hościa. Skrynšot ź videa BT

«Pramoj zabarony niama, ale naš kadebist napisaŭ zahad, jaki daviali pad rośpis: što ŭ vypadkach vyjezdu ŭ niesiabroŭskija krainy pa viartańni treba pisać na imia namieśnika dyrektara dakładnuju, u jakoj apisvać svoj maršrut, z kim sustrakaŭsia, što abmiarkoŭvali. Ci pisaŭ chto ŭ realnaści — nie viedaju», — skazaŭ supracoŭnik adnoj z adukacyjnych ustanoŭ abłasnoha horada.

«Na ŭzroŭni načalnikaŭ adździełaŭ vykankama nichto ŭžo nie moža vyjechać za miažu bieź piśmovaha zvarotu z tłumačeńniami na imia kiraŭnika vykankama. A toj, u svaju čarhu, jak ja razumieju, uzhadniaje z orhanami i z abłvykankamam», — patłumačyŭ «Našaj Nivie» supracoŭnik adnaho z rajvykankamaŭ na zachadzie krainy.

Raniej vyjezdy zabaranili supracoŭnikam siłavych struktur, u pryvatnaści — milicyi. My paviedamlali, što aficeraŭ navat zmušajuć zdavać pašparty načalstvu, pakidajučy im na rukach tolki ID-kartu, jakoj chapaje dla lubych apieracyj unutry Biełarusi.

Čytajcie taksama:

Łukašenka apraŭdvaŭsia pierad vajskoŭcami za svajo «kałdybańnie pa zavuhollach z Šajhu»

Cud nakłaŭ na Pratasieviča štraf — 24,5 miljona rubloŭ. Jon u šoku

41

47

85

17

30

76

Nashaniva.com