Ministerstva sportu i turyzmu Biełarusi raźličvaje na alimpijskija miedali ŭ bijatłonie i frystajle. Pra heta paviedamiŭ šef biełaruskaj misii na XXI zimovych Alimpijskich hulniach u Vankuviery, namieśnik ministra sportu i turyzmu Dźmitryj Šyčko siońnia ŭ čas online kanfierencyi na sajcie BIEŁTA.
«Raźličvajem na ŭdałaje vystupleńnie ŭ bijatłonie (Daša Domračava), a taksama našych frystajlistaŭ,
— skazaŭ jon. — Tam dobraja kankurencyja ŭ kamandzie — Daščynski, Hryšyn, Kušnir. Usio heta spartoŭcyy ź imionami». U łyžnaj honcy kankurencyju pradstaŭnikam inšych krain moža skłaści Siarhiej Dalidovič.
Zadača minimum dla Minsportu — pakazać vynik nie horš, čym na papiarednich Alimpijadach,
to bok pryvieźci z Hulniaŭ chacia b dva miedali.
«Kali ŭdasca zavajavać bolš — budzie pryjemna, heta budzie krokam napierad. Zrešty takoha zadańnia nichto nie stavić», ‑ adznačyŭ Dźmitryj Šyčko, paraŭnaŭšy Alimpijskija hulni z konkursam na muzyčnym fiestyvali, u jakim pradkazać vynik taksama ciažka.
