Niamiecki rok‑hurt Scorpions abviaściŭ pra zaviaršeńnie svajoj muzyčnaj karjery paśla 40 hadoŭ isnavańnia.
Zapłanavany da vychadu na sakavik hetaha hoda albom Sting In The Tail budzie apošnim. Potym hurt adpravicca ŭ raźvitalnaje hastrolnaje turne pa ŭsim śviecie, jakoje pačniecca z kancertaŭ u Niamieččyniei i praciahniecca dva abo try hady.
Scorpions byŭ stvorany ŭ 1965 hodzie ŭ Hanoviery hitarystam Rudolfam Šenkieram.
Za ŭsiu svaju šmathadovuju karjeru hurtvypuściŭ 22 albomy, jakija razyšlisia tyražom bolš jak 75 młn. ekzemplaraŭ, što robić jaje adnoj z samych papularnych za ŭsiu historyju muzyki. Siarod najbolš viadomych kampazicyj Scorpions možna nazvać Rock You Like A Hurricane, Big City Nights, bałady Still Loving You i Wind of Change, pryśviečanuju novym pavievam u suśvietnaj palitycy, hałosnaści i pierabudovie.
Zaraz u hurt uvachodziać Kłaŭs Majnie (vakał), Rudolf Šenkier (hitara), Matyjas Jabs (hitara), Pavieł Mačyvoda (bas) i Džejms Kotak (udarnyja).
