Papa Bieniedykt XVI źviarnuŭsia da katalickich śviataroŭ z zaklikam bolš aktyŭna vykarystoŭvać mahčymaści Internieta. U svaim zvarocie z nahody Suśvietnaha dnia sacyjalnych kamunikacyj (24 studzienia), kiraŭnik rymska‑katalickaj carkvy adznačyŭ, što Interniet adkryvaje «novuju epochu» ŭ prapaviedvańni viery.
Pantyfik zaklikaje vykarystoŭvać usie mahčymaści internieta, kab nieści słova Božaje viernikam. Sioleta dzień sacyjalnych kamunikacyj prachodzić pad łozunham «Śviatary ŭ ličbavym śviecie — novyja technałohii na słužbie carkvy».
«Pry dapamozie sučasnych srodkaŭ kamunikacyi śviatary mohuć paznajomić viernikaŭ z žyćciom carkvy, a taksama dapamahčy ludziam znajści šlach da viery», — kaža Bieniedykt XVI. Jon taksama prapanavaŭ śviataram vieści błohi, udzielničać u sacyjalnych sietkach i vykładyvať videa, kab pryciahnuć uvahu ludziej da žyćcia carkvy.
Pantyfik vystupiŭ ź inicyjatyvaj zrabić interniet‑kurs adnym z abaviazkovych pradmietaŭ u duchoŭnych sieminaryjach i na tealahičny fakultet. Pavodle słovaŭ Papy, u zadačy śviatara ŭvachodzić — «usialić dušu ŭ biaskoncy patok infarmacyi ŭ Siecivie».