Hazieta «SB. Biełaruś Siehodnia» nadrukavała artykuł, u jakim Natallu Arsieńnievu pradstaviła ŭ roli vialikaj prychilnicy savieckaj ułady.
Natalla Arsieńnieva
U publikacyi «Biez hnieva i pristrastija» ananimny aŭtar vyrašyŭ adhuknucca na čarhovuju hadavinu śmierci Uładzimira Lenina. Ale «rodapačynalnik savieckaj ułady» staŭ tolki padstavaj dla taho, kab čarhovy raz apahanić imia paetki. Dla pryliku aŭtar spačatku parazvažaŭ nad tym, jak «adny i tyja ž ludzi tak lohka i cynična admovilisia ad svajho idała i radavalisia, kali palili toje, čamu pakłanialisia». Heta značyć, ad Lenina.
Ale, «kab usio vyšejskazanaje nie zdavałasia zusim užo
publikujem vierš viadomaj biełaruskaj paetki Natalli Arsieńnievaj, jaki źviartaje na siabie ŭvahu ščyraściu i pačućciami, i nazyvajecca vielmi pranikniona — «Pamiaci Lenina».
Ananim sprabuje nadać publikacyi źjedlivy charaktar. Maŭlaŭ, była paetka, jakaja nie zmahła svaimi prasavieckimi vieršami ŭratavacca ad represij. Aŭtar nahadvaje, što jana supracoŭničała z NKVD. Nie ŭratavaŭ jaje siamju i nacyscki režym, na čas akupacyi jakim Biełarusi i pryjšoŭsia «pik jaje litaraturnaj viadomaści».
Aŭtar zaklikaje nie apraŭdvać paetku arhumientam, što jaje prymusili pisać takija radki. Tym samym jon sprabuje vystavić jaje vialikaj prychilnicaj savieckaj ułady. Apielujučy tolki da słoŭ Arsieńnievaj, što «jaje Muza zaŭždy svabodnaja», jon stvaraje čarhovy mif pra śviadomaje i dobraachvotnaje supracoŭnictva paetki z savieckim režymam. A jana ž prosta ratavała siabie, dziaciej i muža.
Jakaja łoŭkaść: Lenina «Sovietskaja Biełoruśsija» nie asudžaje, zatoje asudžaje paetku, jakuju prymusili napisać odu Leninu, faktyčna, z nahanam kala skroni.Havoračy pra supracoŭnictva z NKVD, aŭtar zabyvaje adznačyć, što ŭ tyja hady ŭ Savieckaj Biełarusi — darečy, akurat takoje hordaje imia nosić jaho hazieta — heta byŭ adziny sposab dla biełaruskaha piśmieńnika ŭratavacca ad hibieli.
Navošta «SB» siońnia spatrebiłasia takaja publikacyja? Chto jaje aŭtar? Čałaviek, jaki napisaŭ hety paskvil, navat pasaromieŭsia padpisacca psieŭdanimam. Artykuł biez aŭtarstva. Styl hałoŭnaha rupara Alaksandra Łukašenki nie źmianiajecca: bić tych, chto nie moža adkazać.
