Jeŭrapiejskaja sietka baraćby sa ŚNIDam i vienieryčnymi zachvorvańniami siarod seks‑pracaŭnikoŭ mihrantaŭ «TAMPEP» apublikavała čarhovaje hadavoje daśledavańnie seks‑industryi ŭ Jeŭropie.
Asnoŭnyja vysnovy sparvazdačy jeŭrapiejskija pracaŭniki seks‑industryi nadzvyčaj mabilnyja, a Rumynija apiaredziła Rasieju jak kraina, što pastaŭlaje ŭ Jeŭropu najbolej prastytutak.
U 2006 hodzie na čale dziasiatki krain, adkul u ES jechała najbolš prastytutak, była trojka: Rasija, Ukraina i Rumynija. U 2008 hodzie trojka źmianiłasia — jaje ŭznačaliła Rumynija, na druhoje miesca pierajšła Rasija, a treciaje miesca zaniała Baŭharyja. U spravazdačy nahadvajecca, što Rumynija i Baŭharyja ŭ 2007 hodzie ŭstupili ŭ Jeŭrasajuz, i ich hramadzianie atrymali prava biaźvizavaha ŭjezdu ŭ krainy ES. Čaćviortaje i piataje miesca zaniali Nihieryja i Ukraina.
Biełaruś u hetym śpisie zajmaje šostaje miesca razam z hrupaj inšych krain
— biełaruski składajuć 4% usich prastytutak‑mihrantaŭ ES.
Ahułam u spravazdačy śćviardžajecca, što na krainy Uschodniaj Jeŭropy, uklučna z Prybałtykaj i Bałkanami, prypadaje 70% pryježdžych pracaŭnikoŭ seks‑industryi.
Prastytutki-mihrantki ŭ ES pavodle krainy pachodžańnia: