Histaryčny momant dla Halivuda: darma što ŭžo pry kancy minułaha tydnia žurnalisty karanavali «Avatar» jak samuju prybytkovuju kinastužku ŭsich časoŭ, adnak tolki ŭčora, z padlikam prodažaŭ kvitkoŭ za paniadziełak, taja abviestka atrymała aficyjnaje paćvierdžańnie. Novy fantastyčny film Džejmsa Kemierana, prynios 1,859 miljarda dalaraŭ pa ŭsim śviecie, vypieradziŭšy Kemieranaŭskuju ž mieładramu «Tytanik» (jakaja zarabiła ŭ svoj čas 1.843 miljarda dalaraŭ).
Ale treba i praporcyi viedać: złyja jazyki kažuć, što hetyja dadzienyja pa prybytku nie ŭličvajuć, viadoma, inflacyi dalara ź bieham času. Kali hety faktar uziać u rachubu, dyk u lizie samych prybytkoŭnych stužak filmaŭ, dzie tancy pravić vydadzieny ŭ 1939 hodzie «Paadniesienyja vietram», «Avatar» hibieje adno na… 26-m miescy.
«Avatar», film pra paŭstańnie inšapłanietnikaŭ suprać ziamlanaŭ-akupantaŭ, jaki idzie ŭžo 6 tydniaŭ, pa-raniejšamu maje vialikuju papularnaść pa ŭsim śviecie. Naprykład, u minskim kinateatry «Kijeŭ» raskupleny ŭsie kvitki na viečarovyja sieansy da kanca lutaha, i amal usie kvitki na ŭsie sieansy vychodnaha dnia. Chiba tut nie abyšłosia biez prynady niadaŭna ŭviedzienaj u nas technałohii 3-D. Ź ciapierašnimi tempami «Avatar» moža pieraŭzyści ličbu ŭ 2 miljardy dalaraŭ.
