U ZŠA na 91-m hodzie žyćcia pamior piśmieńnik Džerom Devid Selindžer (nar. 1.01.1919).
Piśmieńnik pamior u svaim domie ŭ štacie Ńju-Hempšyr. Jahonamu piaru naležyć raman «Łaviec u žycie»(The Catcher in the Rye, ruski varyjant - «Nad propasťju vo rži»).
Džerom Devid Selindžer naradziŭsia 1 studzienia 1919 h. u Ńju-Jorku, na Manchetanie.
Jaho baćka – habrej polskaha pachožańnia Sałamon Selindžer, byŭ zamožnym handlarom vendžaninaj dy syrami. Maci irłandska-šatłandskaha pachodžańnia.
Vučyŭsia va Ursins-kaledžy i Kałumbijskim univiersitecie, ale nivodnuju z navučalnych ustanovaŭ nie skončyŭ, što pryviało da razryvu z baćkam. Selindžer-małodšy pajšoŭ u vojska, udzielničaŭ u vysadcy amierykanskaha desanta ŭ Narmandyi 6 červienia 1944 h. Pracavaŭ z vajennapałonnymi, braŭ udzieł u vyzvaleńni viaźniaŭ kancłahieroŭ.
Pieršaje apaviadańnie «Maładyja ludzi» apublikavaŭ u 1940 h. A pieršuju surjoznuju viadomaść pryniesła apaviadańnie «Dobra łovicca rybka-bananka» (A Perfect Day for Bananafish, 1948).
Raman «Łaviec u žycie» byŭ apublikavany ŭ 1951 h. Da hetaha momantu piśmieńnik vydrukavaŭ bolš za dva dziasiatki tvoraŭ.
Potym Selindžer vioŭ žyćcio samotnika, admaŭlaŭsia davać intervju,
a ad 1965 h. naohuł pierastaŭ drukavacca i nakłaŭ zabaronu na pieravydańnie svaich raniejšych tvoraŭ. Pisaŭ dla siabie.
Apošnija hady žyŭ za vysokaj ścianoj u haradku Korniš dy zajmaŭsia duchoŭnymi praktykami.