Atłantyčny cykłon, jaki prynios u Biełaruś śniehapady, pastupova hublaje byłuju moc dy ssoŭvajecca ŭ bok Łatvii,
paviedamiła hałoŭny sinoptyk Respublikanskaha hidramieteacentra Volha Fiadotava.
Za minułyja sutki vyšynia śniežnaha pokryva padrasła na 2‑8 sm, i zaraz jana składaje ad 9 da 32 sm. U Minsku jana składaje 25 sm.
Prykmietna asłabieli marazy — da minus 2—10 hradusaŭ.
U najbližejšyja vychadnyja dni pad upłyvam čarhovaha atłantyčnaha cykłonu i atmaśfiernych frantoŭ, što sunucca z Zachodniaj Jeŭropy, u Biełarusi zachavajecca pa‑sapraŭdnamu zimovaje nadvorje.
U mnohich rajonach projdzie śnieh.
U subotu, 30 studzienia, miescami ź miacielicaj. Na asobnych učastkach daroh hałalodzica. Viecier paŭdniovy ŭschodni, umierany, 30 studzienia — paryvisty.
Tempieratura pavietra ŭ noč na 30 studzienia składzie 5—11 hradusaŭ marozu, pa paŭdniovym uschodzie pry prajaśnieńniach — da minus 14 hradusaŭ.
Subotnim dniom prahnazujecca minus 2—8 hradusaŭ.
U noč na niadzielu, 31 studzienia, tempieratura pavietra istotna nie źmienicca i składzie minus 4--11 hradusaŭ. Dniom čakajecca ad 1 da 7 hradusaŭ marozu.
U pieršy dzień lutaha prahnazujecca paharšeńnie ŭmoŭ nadvorja ŭ Biełarusi pad upłyvam čarnamorskaha cykłonu.
Na bolšaj častcy krainy čakajucca praciahłyja mocnyja śniehapady i zaviei, na darohach ŭtvoracca śniežnyja zanosy. Na uschodzie projdzie mokry śnieh. Tempieratura pavietra na praciahu sutak budzie vahacca ad nula hradusaŭ na ŭschodzie da minus 7 hradusaŭ na zachadzie krainy.
U dalejšym čakajecca niaŭstojlivaje nadvorje:
čas ad času budzie iści śnieh, u načnyja hadziny termomietry pakažuć minus 7‑14 hradusaŭ, pry prajaśnieńniach da minus 15‑18 hradusaŭ. Dzionnaja tempieratura buduć vahacca ad minus 1 hradusa da minus 8, miescami da 12 hradusaŭ nižej za nul.
