Dziaržava budzie i ŭ dalejšym sadziejničać raźvićciu Internetu ŭ Biełarusi.
Pra heta zajaviŭ u piatnicu na kalehii Ministerstva infarmacyi pa vynikach raboty ŭ 2009 hodzie i płanach na 2010 hod pamočnik prezidenta Biełarusi, načalnik hałoŭnaha ideałahičnaha ŭpraŭleńnia Administracyi prezidenta Usievaład Jančeŭski.
«Dziaržava budzie pravodzić hetak zvanuju internetyzacyju, budzie rabić usio,
kab Internetam karystałasia jak maha bolš ludziej, kab usie pašyrałasia i raźvivałasia
— ad dobraviadomaha elektronnaha ŭrada da elektronnaha handlu i h.d.», — skazaŭ Usievaład Jančeŭski.
Pavodle jaho słoŭ, Ministerstva infarmacyi pieravažna asacyjujecca z drukavanymi ŚMI i drukarniami, plus jašče try asnoŭnyja telekanały. «A Internet usio hetyja hady raźvivaŭsia i nadalej raźvivajecca. Siońnia heta ceły śviet. Pakul ža razumieńnie ŭ hramadstvie, što nibyta dziaržava vyrašaje zakryć (prykryć) abo nie prykryć.
Zrazumieła, što nichto Internet prykryvać nie budzie. I heta niemahčyma. Heta prymityŭnyja iściny»,
— padkreśliŭ pamočnik prezidenta Biełarusi.
Tym nie mienš, heta ceły śviet, dzie prysutničaje masa źjaŭ, jakija prama i niepasredna źviazany mienavita ź infarmacyjaj: błohi, banernaja rekłama i inšaje. Akazałasia, što cełaja vielizarnaja źjava — pa‑za ŭvahaj.
«Naturalna, dziaržava budzie zajmacca Internetam, ale nie ŭ płanie zabarony, a ŭ płanie taho, što dziaržava pavinna tam biezumoŭna prysutničać.
Tam pavinna prysutničać naša ideałohija, i prysutničać efiektyŭna. Bo ŭ adroźnieńnie ad administracyjnych resursaŭ na Internet nie paŭpłyvaješ. Ludzi na sajty ci buduć zachodzić, ci nie buduć. I jość tolki adzin kryter — jakasna i pierakanaŭča», — upeŭnieny Usievaład Jančeŭski.
Internet‑sajtaŭ, resursaŭ navat u ruskamoŭnym siehmiencie — tysiačy, dziesiatki tysiač. Heta žorstkaja kankurencyja i niemahčymaść niejak administracyjna padtrymać, adznačyŭ pamočnik prezidenta.
Tym nie mienš dziaržavie treba nie prosta prysutničać u Internecie, a ŭpłyvać efiektyŭna i pravodzić idei ŭ žyćcio.
I hetym pytańniem pavinna zajmacca Ministerstva infarmacyi, reziumavaŭ jon.
