42 čałavieki byli evakujavanyja z žyłoha doma pa vulicy Sierdziča ŭ Minsku, dzie 6 lutaha prahrymieŭ vybuch hazu.
Jak paviedamiŭ pres-sakratar MNS Biełarusi Vital Navicki, vybuch biez nastupnaha ŭzharańnia adbyŭsia kala 15.00 u kvatery na druhim paviersie piacipaviarchovaha panielnaha doma, hetak zvanaj «chruščoŭki». Paciarpieŭ syn haspadyni kvatery — małady čałaviek, jaki zaraz znachodzicca ŭ balnicy.
U vyniku vybuchu paškodžany mižpakajovyja pieraharodki ŭ troch kvaterach. Los ich žylcoŭ, u pryvatnaści, mahčymaść vydzialeńnia časovaha žylla, pavinna vyrašyć rajonnaja administracyja.
Ciapier na miescy nadzvyčajnaha zdareńnia pracujuć śpiecyjalisty pradpryjemstva «Minhaz» i pravaachoŭnych orhanaŭ. Jany pavinny ŭstanavić pryčynu vybuchu i vyznačyć, nakolki biaśpiečny dom dla pražyvańnia.
0
0
0
0
0
0
