Novaja vajennaja daktryna Rasii: Biełaruś pad maskoŭskim parasonam 2

Uzbrojeny napad na dziaržavu-ŭdzielnicu tak zvanaj sajuznaj dziaržavy abo lubyja dziejańni z vykarystańniem vajskovaj siły suprać jaje Rasieja «budzie razhladać jak akt ahresii suprać sajuznaj dziaržavy i ažyćciavić miery ŭ adkaz».

Pra heta havorycca ŭ novaj vajskovaj daktrynie Rasiei, tekst jakoj byŭ zaćvierdžany napiaredadni Dźmitryjem Miadźviedzievym, paviedamlaje RIA «Novosti».

Rasiejskaja vajskovaja daktryna praduhledžvaje kaardynacyju ź Biełaruśsiu z boku Rasiei dziejnaści ŭ halinie raźvićcia nacyjanalnych uzbrojenych siłaŭ i vykarystańnia vajskovaj infrastruktury. U dakumencie havorycca taksama pra nieabchodnaść vypracoŭki i ŭzhadnieńnia zachadaŭ dla padtrymańnia abaronazdolnaści tak zvanaj sajuznaj dziaržavy ŭ adpaviednaści z vajskovaj daktrynaj sajuznaj dziaržavy.

U daktrynie taksama havorycca, što Rasieja razhladaje ŭzbrojeny napad na dziaržavu-ŭdzielnicu ADKB jak ahresiju suprać usich dziaržaŭ-udzielnic arhanizacyi i ažyćciavić u hetym vypadku miery ŭ adpaviednaści z Dahavoram ab kalektyŭnaj biaśpiecy.

Zhodna z vajskovaj daktrynaj, Rasieja vydzialaje voinskija kantynhienty ŭ skład Kalektyŭnych siłaŭ aperatyŭnaha reahavańnia (KSAR) ADKB u metach aperatyŭnaha reahavańnia na vajennyja pahrozy dziaržavam-členam ADKB i vyrašeńnia inšych zadač, vyznačanych Radaj kalektyŭnaj biaśpieki ADKB.

U dakumencie taksama prapisana, što dla ažyćciaŭleńnia miratvorčych aperacyjaŭ pa mandacie AAN abo pa mandacie SND Rasieja daje voinskija kantynhienty ŭ paradku, ustanoŭlenym federalnym zakanadaŭstvam i mižnarodnymi damovamii RF.

Radyjo «Svaboda»

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH