U litoŭskich Trokach u siaredzinie studzienia prachodziła tak zvanaja «Śniežnaja sustreča» — niefarmalnaja sustreča palitykaŭ i ekśpiertaŭ u pytańniach nacyjanalnaj biaśpieki.
Niefarmalny forum razhladaŭ idei i prapanovy pa palitycy ES i NATO da ŭschodnich susiedziaŭ, u tym liku Rasiei j Biełarusi. Pradstaŭniki ŚMI ŭ zału nie dapuskalisia. Ale niekatoryja ŭdzielniki dyskusii nie stali chavać tezaŭ svaich vystupaŭ.
Z paviedamleńniaŭ litoŭskich ŚMI možna zrabić vysnovu, što Jeŭropa namaŭlaje Prybałtyku mianiać rytoryku ŭ adnosinach z Rasiejaj.Amierykanski palitołah Brus Džeksan vykazaŭ toje jasna — «nie svarycca z Rasiejaj».
«Francyja, Niamieččyna j staršynia Jeŭrakamisii Barozu pryniali pravilnaje i śviadomoje rašeńnie ŭnikać kanfrantacyi z Rasiejaj i buduć šukać pazicyi dla narmalizacyi supracy. Ja dumaju, što Litvie i inšym krainam, što lažać pablizu Rasiei, było b razumna stać častkaj hetaj palityki. Jany musiać znajści adpaviednuju rolu», — patłumačyŭ Džeksan.
Rašeńnie prezidenta Litvy Dali Hrybaŭskajte zaprasić na śviatkavańnie
inicyjatyvy Vilni pa zbližeńni ź Mienskam jon acaniŭ z aściarožnaściu. Sa słovaŭ Džeksana, pazicyja ZŠA tut adroźnivajecca.
«Usie viedajuć, što Litva, i da peŭnaj stupieni Šviecyja j Polšča, a taksama inšyja susiedzi Biełarusi, pravodziać peŭnuju palityku zbližeńnia z Alaksandram Łukašenkam. Ja nie dumaju, što ZŠA cisnuć na zbližeńnie, ja taksama nie dumaju, što jany vystupajuć suprać hetaha, ale ZŠA nastrojenyja skieptyčniej nakont taho, što heta budzie efiektyŭna.
Kali tak vyjdzie, to Litva budzie hienijem, kalinie — to my skažam, «a što my vam kazali», — zaznačyŭ Džeksan.Kroki pa zbližeńni Łukašenki z Zachadam jon nazvaŭ štučnymi i «pijaram samoha Alaksandra Łukašenki».
U «śniežnaj sustrečy» brali ŭdzieł ministry zamiežnych spravaŭ Irłandyi, Vuhorščyny, Hrecyi, Łatvii, Rumynii, Małdovy, čynoŭniki Jeŭrasajuza, dziesiatki ekśpiertaŭ z roznych krainaŭ.
