Pa vynikach tarhoŭ zamiežnymi valutami 11 lutaha na Biełaruskaj valutna‑fondavaj biržy (BVFB) kurs dalara ZŠA nie źmianiŭsia i skłaŭ 2.898 rubloŭ.
Pavodle źviestak BVFB, u tarhach dalaram ZŠA popyt pieravysiŭ prapanovu ŭ šeść razoŭ. Udzieł u tarhach uziali 27 bankaŭ. Abjom ździełak skłaŭ 16 młn. 856 tys. (popyt — 16 młn. 856 tys., prapanova — 2 młn. 817 tys.).
U tarhach rasijskim rublom udzielničali 26 bankaŭ. Abjom ździełak skłaŭ 257 młn. 507 tys. (popyt — 296 młn. 507 tys., prapanova — 257 młn. 507 tys.), a kurs vyras na 0,39 rubla i skłaŭ 96,20 biełaruskaha rubla za adzin rasijski.
U tarhach jeŭra ŭziali ŭdzieł 26 bankaŭ. Abjom ździełak skłaŭ 5 młn. 544 tys. (popyt — 5 młn. 546 tys., prapanova — 3 młn. 779 tys.), a kurs vyras na 3 rubli i skłaŭ 3.989 rubloŭ za jeŭra.
U dačynieńni da valutnaha košyka (dalar ZŠA, jeŭra, rasijski rubiel) biełaruski rubiel źniziŭsia na 0,17% u paraŭnańni z papiarednim značeńniem: košt košyka skłaŭ 1.036,11 rubla suprać 1.034,40 rubla dniom raniej.
Z pačatku hoda kurs biełaruskaha rubla da košyka valut umacavaŭsia na 0,02%. Pry hetym da dalara kurs źniziŭsia na 1,22%, da rasijskaha rubla — na 1,63%, da jeŭra ŭmacavaŭsia na 2,84%.
Na 2010 hod kalidor vahańniaŭ kursu biełaruskaha rubla ŭ dačynieńni da košyka valut ustanoŭleny ŭ miežach plus/minus 10%.
