Ułady Irana ŭviali zabaronu na paštovy siervis Gmail, piša The Wall Street Journal. Zamiest jaho ŭrad źbirajecca raspracavać ułasnuju słužbu elektronnaj pošty.
Pra zabaronu Gmail abviaścili niepasredna iranskija ŭłady. Pakul niezrazumieła, ci zdolnyja jany realizavać jaje na praktycy, ale Google, raspracoŭščyk Gmail, užo abviaściŭ, što trafik paštovaha servisu, jaki idzie ź Irana, rezka źniziŭsia.
Pradstaŭnik iranskaha vyšejšaha kiraŭnictva rastłumačyŭ, što taki krok zaklikany «spryjać raźvićciu nacyjanalnych internet-technałohij i ŭmacavać davier pamiž narodam i ŭradam».
Internet-miedyja, u tym liku sacyjalnyja sietki kštałtu Facebook i błoh-servisy ŭ duchu Twitter, adyhrali važnuju rolu pry arhanizacyi pratestaŭ 2009—2010 hadoŭ u Iranie. «Tviter-revalucyja» navat patrapiła ŭ śpis hałoŭnych internet-padziej 2000-ch hadoŭ. Paštovy servis, padkantrolny dziaržavie, dapamoh by uładam Irana zmahacca z apazicyjaj.
