U hetyja vychadnyja na Biełaruś znoŭ abrynucca śniehapady, paviedamiła hałoŭny sinoptyk Respublikanskaha hidramieteacentra Volha Fiadotava.
U subotu pad upłyvam vilhotnych pavietranych mas, jakija pastupajuć z poŭdnia Jeŭropy, i atmaśfiernych frantoŭ ŭ mnohich rajonach Biełarusi projdzie śnieh, miescami zavirucha. Na darohach zachavajecca hałalodzica. Padźmie paryvisty ŭschodni viecier. Tempieratura pavietra ŭ načnyja hadziny składzie 4—10 hradusaŭ marozu. Dniom jana budzie vahacca ad 0 hradusaŭ na poŭdni da minus 6 hradusaŭ na poŭnačy.
U niadzielu cykłon pryniasie ŭ Biełaruś śniehapady, miescami mocnyja.
U Homielskaj vobłaści mahčymy hałalod. Pry paŭnočnym vietry tempieratura pavietra na praciahu sutak składzie nul — minus 7 hradusaŭ. U načnyja hadziny pa Viciebskaj vobłaści jana panizicca da 9 hradusaŭ.
U pačatku nastupnaha tydnia śnieh pastupova asłabieje.
Na darohach miescami čakajecca hałalodzica. Tempieratura pavietra ŭ noč na paniadziełak, 15 lutaha, składzie 2—9 hradusaŭ marozu. Dniom budzie ad nula da minus 6 hradusaŭ.
Da čaćviarha, 18 lutaha, budzie ŭmierana marozna, miescami mahčymy nievialiki śnieh. Načnaja tempieratura prahnazujecca ad 4 da 11 hradusaŭ marozu, pry prajaśnieńniach da minus 14 hradusaŭ. Dniom budzie ad nula da minus 6 hradusaŭ.
