Brytanskaja para stała ŭładalnikami 56,5 młn. funtaŭ sterlinhaŭ — pałovy džek‑potu łatarei EuroMillions.
Vyjhryš u łatareju daŭ mahčymaść žycharam horada Sirensiester hrafstva Hłosteršyr zaniać adrazu 980‑ie miesca ŭ śpisie samych bahatych ludziej Vialikabrytanii, apiaredziŭšy byłoha muža Madonny — kinarežysiora Haja Ryčy. Imiony pieramožcaŭ pakul nie nazyvajucca.
Vybrańnikam fartuny ciapier naležyć rekord pa sumie razavaha vyjhryšu ŭ łatareju siarod žycharoŭ Vialikabrytanii.
Papiaredadni rekord byŭ ustanoŭleny ŭ 2009 hodzie. Tady biespracoŭny Les Skedzinh i hrupa ź siami rabotnikaŭ koł‑centra ŭ Liverpuli padzialili džek‑pot u 91 młn. funtaŭ sterlinhaŭ.
Uładalnik druhoj pałaviny džek‑potu ŭ 113 młn. funtaŭ sterlinhaŭ pakul nie ŭstanoŭleny. Viadoma tolki, što bilet, na jaki vypała vyjhryšnaja kambinacyja, byŭ kupleny ŭ ispanskim horadzie Machakar.
Bilety łatarei EuroMillions raspaŭsiudžvajucca ŭ Vialikabrytanii, Ispanii, Francyi, Aŭstryi, Bielhii, Irłandyi, Luksiemburhu, Partuhalii i Šviejcaryi. Łatarejny bilet kaštuje kala 2 jeŭra.
0
0
0
0
0
0