Jak paviedamiŭ na bryfinhu 16 lutaha načalnik upraŭleńnia pa hramadzianstvie i mihracyi HUUS Minharvykankama Ihar Ihnatovič, 5 krasavika ŭstupaje ŭ siłu vizavy kodeks ES.
Artykuł 12 hetaha dakumienta praduhledžvaje, što hramadzianin, jakaja chadajničaje ab atrymańni vizy, pavinien pradstavić sapraŭdny dakumient na pajezdku, jaki adpaviadaje
trom kryteram
Pa-pieršaje, termin dziejańnia dakumienta pavinien skančacca nie raniej za try miesiacy paśla mierkavanaj daty vyjezdu z terytoryi krainy-čalca ES abo — u vypadku šmatrazovych pajezdak — paśla apošniaj mierkavanaj daty vyjezdu z terytoryi krainy-čalca ES. Ad hetaha abaviazka možna adstupać tolki ŭ vypadku naležnym čynam abhruntavanaj nieadkładnaj nieabchodnaści, adznačyŭ Ihnatovič.
Pa-druhoje, dakumient pavinien źmiaščać jak minimum dźvie čystyja staronki.
Pa-treciaje, dakumient pavinien być vydadzieny mienš za dziesiać hadoŭ tamu.
Ihnatovič zaklikaŭ hramadzian,
jakija majuć namier paśla 5 krasavika vyjazdžać u krainy ES, zahadzia abmianiać pašparty.
Krainy ES: Aŭstryja, Bielhija, Bałharyja, Vialikabrytanija, Vienhryja, Hiermanija, Hrecyja, Danija, Irłandyja, Ispanija, Italija, Kipr, Łatvija, Litva, Luksiemburh, Malta, Niderłandy, Polšča, Partuhalija, Rumynija, Słavakija, Słavienija, Finlandyja, Francyja, Čechija, Šviecyja, Estonija.
