Biełaruś pa prapanovie MVF moža vystavić na prodaž dadatkova jašče 20 pradpryjemstvaŭ

Ab hetym paviedamiŭ siońnia žurnalistam staršynia Dziaržaŭnaha kamiteta pa majomaści Biełarusi Hieorhij Kuźniacoŭ.

Kiraŭnik kamiteta paviedamiŭ, što padrychtavany prajekt rasparadžeńnia Prezidenta ab prodažy akcyj piaci pradpryjemstvaŭ z udziełam kansultantaŭ zamiežnych kampanij. «Pa prapanovie MVF da hetych piaci pradpryjemstvaŭ my padabrali jašče 20. My budziem rychtavać prajekt rasparadžeńnia ab ich prodažy», — skazaŭ Hieorhij Kuźniacoŭ.

Pavodle jaho słoŭ, pakul Dziaržkammajomaść nie pačała raspracoŭku novaha płana pryvatyzacyi na 2011-y i nastupnyja hady. Pa płanu pryvatyzacyi na 2008–2010 hady ŭ Biełarusi ŭžo akcyjaniravana 160 pradpryjemstvaŭ, ź imi viadziecca rabota pa pryvatyzacyi. «Ale my nie vyklučajem, što ŭ luby čas moža ŭźniknuć cikavaść inviestara da jakoha-niebudź pradpryjemstva, što nie ŭvachodzić u płan pryvatyzacyi», — dadaŭ Hieorhij Kuźniacoŭ.

0

0

0

0

0

0

BIEŁTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH