Sprava na padstavie č. 4 art. 210 Kryminalnaha kodeksa (kradziež šlacham złoŭžyvańnia słužbovymi paŭnamoctvami ŭ asabliva bujnym pamiery) raspačata Frunzienskim RUUS Minska ŭ dačynieńni da staršyni praŭleńnia hramadskaha abjadnańnia »Fond sacyjalnaj abarony »Čas».
Jak paviedamiła pres‑aficer rajupraŭleńnia Ała Hałubovič, jon padazrajecca ŭ tym, što na praciahu čatyroch hadoŭ — sa studzienia 2005 hoda pa śniežań 2009 hoda, —
pryciahvajučy hrašovyja srodki hramadzian pa inviestycyjnych dahavorach na budaŭnictva kvater u pasiołku Ždanovičy i staličnym mikrarajonie Sucharava, vykraŭ bolš jak 1,8 młrd. rubloŭ.
Złačynnaja «piramida» była pabudavana takim čynam, što na adnu kvateru prypadała niekalki ŭładalnikaŭ.
Pravaachoŭnyja orhany ŭstanavili, što kiraŭnik fondu zaklučyŭ fiktyŭnyja dahavory na pastaŭku elektratechničnaj pradukcyi i pieraličyŭ bolš jak 1,8 młrd. rubloŭ na raźlikovy rachunak niejkaj firmy, a zatym pieravioŭ hrošy ŭ najaŭnyja praź iłžepradprymalnickija struktury i vykraŭ ich.
Padazravany źmieščany ŭ IČU. U jakaści paciarpiełych u spravie fihurujuć bolš za 100 čałaviek.
