Pra heta paviedamiŭ pasoł Vieniesueły ŭ Biełarusi Amieryka Dyjas Nuńjes 22 lutaha na pres‑kanfierencyi ŭ Minsku.
Pavodle jaho słoŭ, Vieniesueła prapanavała biełaruskamu boku stvaryć jašče adno sumiesnaje pradpryjemstva, jakoje śpiecyjalizavałasia b na zdabyčy hazu. «Ale biełaruski bok prapanavaŭ dadać hety siektar u śfieru dziejnaści ŭžo isnujučaha SP «Pietralera BiełaVieniesałana», — skazaŭ dypłamat.
Dyjas Nuńjes padkreśliŭ, što ŭ pierśpiektyvie biełaruska‑vieniesuelskaje pradpryjemstva zmoža zdabyvać bolš za 100 tysiač barelaŭ nafty za sutki. «Usie pytańni i prablemy byli vyrašanyja. Praca praciahvajecca pavodle namiečanaha kursu», — skazaŭ pasoł.
Pavodle infarmacyi pasolstva Vieniesueły, «Biełaruśnafta» ŭžo zrabiła apłatu pieršaj častki ŭznosu za prava ŭdzielničać u jakaści partniora ŭ SP «Pietralera BiełaVieniesałana», a vieniesuelski bok zaćvierdziŭ vydzialeńnie SP piaci novych radoviščaŭ.
Akramia taho, padpisana pahadnieńnie pamiž dziaržaŭnaj kampanijaj Vieniesueły PDVSA i «Biełarusnaftaj» ab praviadzieńni sumiesnych daśledavańniaŭ pa raźviedcy i zdabyčy pryrodnaha hazu na radoviščach Mapire, Mapire Sentral, Sota Este, Sota Norte i Ła Siejbita.
Baki taksama prapracoŭvajuć prajekt pa ŭdziele biełaruskich śpiecyjalistaŭ u hazifikacyi Karakasa.
Biełaruski bok taksama aceńvaje abjomy pastaŭki syroj nafty, jakaja miarkujecca ź Vieniesueły na svaje pierapracoŭčyja zavody i prainfarmuje ab svajoj hatoŭnaści atrymać pieršy hruz abjomam kala 500 tysiač barelaŭ nafty pry ŭmovie, što heta akažacca ekanamična rentabielnym.
