Źjaviŭsia novy numar almanacha Homo historicus. Jon vychodzić u EHU pad redakcyjaj Alaksandra Smalančuka.
U novym abjomnym numary, jaki maje bolš za 400 staronak, sabranyja artykuły i materyjały pa ajčynnaj historyi. Jaho aŭtarami stali Andrej Vaškievič (Hrodna), Daryjus Stalunas (Vilnia), Natalla Jakavienka (Kijeŭ) i inšyja. Taksama tut možna znajści teksty Michała Romera, Mitrafana Doŭnar-Zapolskaha i inšych daśledčykaŭ XIX st.
«Materyjały hadavika Homo Historicus demanstrujuć mahčymaści historyka-antrapałahičnaha padychodu da vyvučeńnia historyi Biełarusi. Jany pryśviečanyja histaryčnaj pamiaci i nacyjanalnym simvałam šmatkulturnaj Vilni, aktualizujuć amal nieviadomyja navukovyja teksty, zakranajuć historyju adukacyi» – havorycca ŭ pradmovie da almanacha.
Redaktar Aleś Smalančuk źviartaje ŭvahu, što «najbolšuju vartaść u novym hadaviku ŭjaŭlajuć materyjały, pryśviečanyja Vilni. Hruntoŭna hetaj prablemaj nichto nie zajmaŭsia. My sprabujem prymianiać novuju mietadałohiju pry daśledavańni kultury i historyi Vilni».
0
0
0
0
0
0
