Zaraz Rada ES maje pryniać rašeńnie ab skasavańni kredytnych prahram dla Biełarusi albo ich razbłakavańni. Pamier zapłanavanych kredytaŭ dla Biełarusi dasiahaŭ €1 młrd.
Na siońnia biełaruski bok vyjaviŭ cikaŭnaść u 500 młn. jeŭra dapamohi JEIB dla finansavańnia ekanamičnych prajektaŭ. U pryvatnaści, supolnaha niamiecka-biełaruskaha prajekta madernizacyi Biełaruskaj čyhunki i pabudovy linii elektrapieradač Biełastok-Roś.
Vice-prezident JEIB Monika Hajencka, taksama paviedamiła, što častka kredytaŭ mahła b trapić u biełaruskija banki dla finansavańnia prahram raźvićcia siaredniaha i drobnaha pradprymalnictva. «Kredyty JEIB — adzinaja mahčymaść finansavaha cisku Jeŭraźviaza na biełaruskija ŭłady», — zajaviła ŭ intervju polskamu vydańniu «Gazeta Wyborcza» vice-prezident banku Marta Hajencka.
Jeŭrapiejski inviestycyjny bank stvorany krainami ES dla finansavańnia haspadarčych prajektaŭ i vydzialaje kredyty na značna bolš vyhadnych umovach, čym kamiercyjnyja banki. Płanavałasia, što da 2013 h. JEIB realizuje ŭ Małdovie, Rasii, Ukrainie i Biełarusi prajekty ahulnym koštam u €3,7 młrd.