Pra heta paviedamiŭ ministr achovy zdaroŭja Vasil Žarko 26 lutaha na kalehii Ministerstva achovy zdaroŭja.
Pavodle słoŭ Žarko, heta patrabuje ŭzmacnieńnia pracy nie tolki ŭ Respublikanskim navukova‑praktyčnym centry ankałohii i miedycynskaj radyjałohii imia Alaksandrava, ankałahičnych dyspansierach, ale i «pa ŭsioj lačebnaj sietcy».
Nahadajem, na Jeŭrazijskim kanhresie pa puchlinach hałavy i šyi ŭ lipieni 2009 hoda ŭ Minsku Žarko prahnazavaŭ, što ŭ najbližejšaj pierśpiektyvie ŭ Biełarusi varta čakać značnaha rostu zachvorvańnia na złajakasnyja novaŭtvareńni. Pavodle jaho słoŭ, heta adbudziecca ŭ suviazi z pavieličeńniem kolkaści nasielnictva va ŭzroście 55—75 hadoŭ: mienavita ŭ pažyłych ludziej vierahodnaść zachvorvańnia na rak vyšejšaja. Tendencyja rostu zachvorvańnia na złajakasnyja puchliny prasočvacca va ŭsim śviecie. Štohod u śviecie rehistrujuć 10 młn. novych vypadkaŭ rakavych zachvorvańniaŭ i bolš jak 6 młn. čałaviek pamirajuć ad ich. Śmiarotnaść ad raku vyšejšaja, čym ad malaryi, ŚNIDu, tubierkulozu razam uziatych.
Jak zaznačyŭ ministr, zaraz u pracy ankałahičnaj słužby Biełarusi dasiahnuty peŭnyja pośpiechi. U 2009 hodzie na 1,9% źmienšyłasia kolkaść vypadkaŭ śmierci ad novaŭtvareńniaŭ u paraŭnańni z 2008 hodam. U 2009 hodzie na 12,5% źniziłasia kolkaść vyjaŭlenych vypadkaŭ złajakasnych novaŭtvareńniaŭ u čaćviortaj stadyi. U 2008 hodzie ŭ čaćviortaj stadyi vyjaŭlali 13,3% ad usich novych vypadkaŭ raku. Kolkaść chvorych, jakija pražyli paśla ŭstanaŭleńnia dyjahnazu piać i bolš hadoŭ, u 2009 hodzie ŭzrasła na 1,2% i skłała bolš za pałovu ŭsich, chto znachodzicca na ŭliku, — 53,6%.
