21‑hadovy minčanin, jaki zhvałtavaŭ šaścihadovuju dziaŭčynku, sudom Frunzienskaha rajona Minska pryhavorany da 14 hadoŭ pazbaŭleńnia voli.
Jak paviedamili ŭ prakuratury horada, małady čałaviek pryznany vinavatym va ŭčynieńni złačynstvaŭ, praduhledžanych č. 3 art. 166 (zhvałtavańnie zaviedama małaletniaj) i č. 3 art. 167 (hvałtoŭnyja dziejańni sieksualnaha charaktaru ŭ dačynieńni da zaviedama małaletniaj) Kryminalnaha kodeksa.
Pryhavor jašče nie nabyŭ moc — abvinavačany padaŭ kasacyjnuju skarhu.
Nahadajem, złačynstva było ŭčyniena 3 kastryčnika 2009 hoda ŭ adnym ź internataŭ Minska. Małady rabočy pryjšoŭ u hości da znajomaj.
Tam ža znachodzilisia jaje šaścihadovaja dačka i siabroŭka. Kali žančyna pajšła pravieści na prypynak hościu, chłopiec zhvałtavaŭ dzicia. Pryčym maci faktyčna zaśpieła jaho na miescy złačynstva. Žančynie ŭdałosia začynić złačynca ŭ pakoi i vyklikać milicyju.
0
0
0
0
0
0