Pasoł Bałharyi ŭ Biełarusi Zachary Radukaŭ vystupaje za spraščeńnie vizavaha režymu dla biełaruskich hramadzian pry pajezdkach u krainy Jeŭrasajuza. Pra heta jon zajaviŭ 1 sakavika na pres‑kanfierencyi ŭ Minsku.
«Ja asabista vystupaju za toje, kab maksimalna ablehčyć mahčymaść uzajemnych pajezdak. Dla nas heta važna», — skazaŭ Radukaŭ.
U svaju čarhu, zahadčyca konsulskaj słužby pasolstva Bałharyi Halina Bačvarava paviedamiła, što ŭ 2009 hodzie krainu naviedali 27 tys. biełaruskich turystaŭ.
Heta na 40% bolš, čym było ŭ 2008 hodzie.
Bačvarava taksama adznačyła, što 35% usich turystaŭ, jakija pryjazdžajuć u Bałharyju, składajuć dzieci da 18 hadoŭ. Jana padkreśliła, što novy vizavy kodeks ES, jaki nabyvaje moc u krasaviku 2010 hoda, praduhledžvaje biaspłatnuju vydaču viz dzieciam da šaści hadoŭ, a dla dziaciej da 12 hadoŭ košt šenhienskaj vizy składzie 35 jeŭra.
0
0
0
0
0
0
