Krynica ŭ departamiencie zamiežnych spraŭ kampanii «Frank Miuler» paviedamiła, što čutki pra mahčymaje zvalnieńnie ŭsich supracoŭnikaŭ minskaha zavoda hadzińnikaŭ biespadstaŭnyja.
Niekalki dzion tamu ŭ biełaruskim internecie źjaviłasia infarmacyja, što paśla źmieny ŭłaśnika buduć zvolnienyja ŭsie supracoŭniki zavoda, starejšyja za 35 hadoŭ.
Jak kažuć u šviejcarskaj kampanii, damova ź biełaruskim uradam nasamreč užo padpisanaja, ale praz zaminku z aficyjnaj publikacyjaj akt ab pryvatyzacyi pakul nie ŭstupiŭ ŭ siłu.
U kantrakcie praduhledžvajecca zachavańnie jak minimum 700 pracoŭnych miescaŭ.Ciapier na zavodzie pracuje kala 1000 čałaviek. «Čutki pra vybar rabočych vyklučna pa ŭzrostavaj prykmiecie nie adpaviadajuć rečaisnaści», — kamientujuć situacyju ŭ kampanii.
0
0
0
0
0
0
