Vychavancy adździaleńnia dla dzionnaha znachodžańnia maładych invalidaŭ Kastryčnickaha rajona Mahilova naviedali kinałahičny centr vajskovaj časci ŭnutranych spraŭ 6713 ź lačebnymi metami.
Pazityŭnaje ŭździejańnie na zdaroŭje čałavieka ad znosinaŭ z sabakami zaŭvažana daŭno, i ciapier jano vykarystoŭvajecca dla lačeńnia i reabilitacyi. Azdaraŭlalny efiekt moža być značnym: palapšajecca samaadčuvańnie, narmalizujucca cisk i abmiennyja pracesy, znikaje stresavaja tryvožnaść i myšačnaja napružanaść, zdymajecca depresija i hetak dalej.
Na pieršym zaniatku ŭ Mahilovie słužbovyja aŭčarki i maładyja invalidy znajomilisia. Mocna ŭrazili naviedvalnikaŭ pakazalnyja vystuplenni sabak, ale najbolšaje zadavalnieńnie prynios niepasredny kantakt. Hładzić i łaščyć čatyrochnohich «daktaroŭ» možna było biaskonca.
Sabaki kinałahičnaha centra — vytrymanyja, ciarplivyja, pasłuchmianyja i całkam nieahresiŭnyja žyvioły.
Adna dziaŭčyna tak zachapiłasia, što vyrašyła ŭviesnu abaviazkova prydbać ščania.
Ciapier u adździaleńnia dla invalidaŭ razam z kinałahičnym centram jość sumiesny płan: štomiesiačnyja sustrečy z sabakami dapamohuć maładym invalidam adčuvać siabie lepiej