Alaksandr Łukašenka padpisaŭ ukaz ab prodažy pakieta akcyj AAT «Minski hadzińnikavy zavod» šviejcarskaj kampanii Franck Muller International B.V. Ukaz №109 padpisany 1 sakavika, siońnia jon apublikavany na Nacyjanalnym pravavym interniet‑partale.
Zhodna z dakumientam, u dziesiacidzionny termin praduhledžana biazvypłatna pieradać va ŭpraŭleńnie Dziaržaŭnaha kamiteta pa majomaści 111.385.185 akcyj AAT «Minski hadzińnikavy zavod» naminalnym koštam 30 rubloŭ na ahulnuju sumu 3.341.555.550 rubloŭ. Ciapier akcyi pradpryjemstva znachodziacca va ŭpraŭleńni kamunalnaj ułasnaści Minska.
Da 2020 hoda kampanii Franck Muller pavinna być pradadziena 655.423.462 akcyi AAT, što naležać dziaržavie, pa naminalnym košcie 30 rubloŭ za akcyju pry ŭmovie ŭkładańnia kampanijaj u 2010 hodzie inviestycyj. Jany buduć układzieny šlacham nabyćcia dadatkovych 1.217.215.000 akcyj.
Akramia taho, u daviernaje kiravańnie Franck Muller terminam na piać hadoŭ pieradajucca 1.122.831. 985 akcyj zavoda, što naležać dziaržavie.
Jak rastłumačyli na pradpryjemstvie,
na pieršym etapie šviejcarskaja kampanija nabyvaje 52% akcyj, paźniej — jašče 28%.
Inviestar maje prava ažyćciaŭlać daviernaje kiravańnie kaštoŭnymi papierami biez atrymańnia śpiecyjalnaha dazvołu (licenzii) na ažyćciaŭleńnie prafiesijnaj i biržavjj dziejnaści pa kaštoŭnych papierach.
Akramia taho, da 2020 hoda AAT vyzvalajecca ad abkładańnia padatkam na prybytak.
Z 2011 hoda zavodu biez praviadzieńnia aŭkcyjonu budzie pieradadzieny ŭ arendu
ziamielny ŭčastak sielskahaspadarčaha vytvorčaha kaapieratyva «Ščomyślica» (Minski rajon) ahulnaj płoščaj 30 ha
dla budaŭnictva novych vytvorčych mahutnaściaŭ i abjektaŭ sacyjalnaj infrastruktury.
Savietu ministraŭ daručana ŭ trochmiesiačny termin zaklučyć inviestycyjny dahavor z kampanijaj Franck Muller ab realizacyi inviestycyjnaha prajekta z zapłanavanym abjomam inviestycyj.Zhodna z hetym dahavoram pradpryjemstva pavinna zachavać vytvorčaść hadzińnikaŭ i handlovuju marku «Łuč».
Akramia taho, u 2010—2019 hadach na pradpryjemstvie pavinna pracavać nie mienš jak 700 čałaviek.
Dahavoram vyznačany miery adkaznaści šviejcarskaj kampanii ŭ vypadku nievykanańnia ŭziatych abaviazacielstvaŭ. U hetym vypadku kampanija pavinna pieraličyć u 2020 hodzie ŭ respublikanski biudžet sumu, jakaja składaje roźnicu pamiž rynačnym koštam akcyj AAT, nabytych u dziaržavy, na datu ich nabyćcia i ich naminalnym koštam.
Płany stvareńnia na bazie hadzińnikavaha zavoda biełaruska‑šviejcarskaha SP abmiarkoŭvalisia ŭ kastryčniku 2009 hoda padčas vizitu ŭ Minsk hiendyrektara Franck Muller Vartana Sirmakiesa. Na sustrečy z prezidentam Łukašenkam jon zajaviŭ pra namier stvaryć u Biełarusi «absalutna novuju», sučasnuju hadzińnikavuju vytvorčaść, aryjentavanuju na prodaž niedarahich hadzińnikaŭ u SND i na inšych rynkach. Pry hetym šviejcarski inviestar paabiacaŭ davieści zarpłatu na zavodzie da ŭzroŭniu siaredniaj pa Minsku, pavialičyŭšy jaje ŭdvaja.
U svaju čarhu Łukašenka zajaviŭ: «Pryvatnik razvaliŭ pradpryjemstva dalej niama kudy, pryjšłosia jaho zabirać dziaržavie. Ale my nie možam stracić hetu marku, heta pradpryjemstva, tamu što jano znakavaje dla krainy naroŭni z takimi hihantami, jak MAZ, MTZ, BiełAZ».
Minski hadzińnikavy zavod byŭ stvorany ŭ 1953 hodzie. Vypuskaje hadzińniki handlovaj marki «Łuč». Pieršapačatkova mahutnaści pradpryjemstva byli raźličany na vytvorčaść 5 młn. adzinak pradukcyi ŭ hod. U lipieni 2006 hoda ŭ haspadarčy sud Minska pastupiła zajava padatkovaj inśpiekcyi Pieršamajskaha rajona stalicy ab pačatku pracedury bankructva pradpryjemstva. Ciapier pradpryjemstva prachodzić praceduru sanacyi.
Kampanija Franck Muller zasnavana ŭ 1992 hodzie. Zajmajecca vytvorčaściu składanych miechaničnych hadzińnikaŭ. Firmaj zroblena kala 20 suśvietnych vynachodak, źviazanych z hadzińnikavaj vytvorčaściu, paviedamlaje aficyjny sajt kampanii.
