Jak siońnia pisała «NN», apieratar mabilnaj suviazi MTS prezientavaŭ novy taryfny płan — «Absalut». Jahonaja sutnaść — nieabmiežavanyja zvanki pa ŭsioj Biełarusi za 290 tysiač rubloŭ za miesiac.
Tvorčyja naviedvalniki sajta Onliner.by padyšli da hetaj naviny ź inšaha boku.
Jak viadoma, abanienty inšaha apieratara, Life:), atrymlivajuć ad kampanii bonus u pamiery 200 rubloŭ za zvanki na ich numary ad abanientaŭ inšych apierataraŭ. To bok, kali tabie, «łajfaŭcu» patelefanuje siabar-«vełkomščyk», to ty atrymaješ ad Life:) dadatkovyja hrošy na rachunak. Ich nielha zabrać najaŭnymi, jany «zharajuć» u kancy miesiaca, ale ich možna tracić na zvanki ci
kožny achvotny karystalnik «Absaluta» ad MTS moža nieabmiežavanuju kolkaść razoŭ biaspłatna zvanić na Life:) i štučna pavialičvać čužy bonusny rachunak.
«Chočaš 100.000 bonusa? Zapłaci mnie 70000 albo 50000 i pakiń telefon na razmovie na noč. Novaja rekłamnaja akcyja!» — śmiajucca ŭ internecie. Schiema ŭmoŭnaja, jakaja nie ŭličvaje techničnyja asablivaści — naprykład, razmova budzie aŭtamatčny adklučacca praz 30 chvilin, ale ŭsio ž dziejsnaja.
Internet sprabuje ŭhadać, jak adreahuje Life:) na niečakanuju navinu. Toje, što reakcyja budzie, — niesumnieŭna. Tolki voś jakaja? Ci to adklučeńnie pasłuhi «Bonus» całkam, ci to abmiežavańnie jaje ŭ dačynieńni da zvankoŭ z MTS. Čakajem reakcyju Life:)
