Aktyvist arhkamiteta pa stvareńni partyi «Biełaruskaja chryścijanskaja demakratyja» (BCHD) Andrej Kašeŭski, jaki adbyvaje administracyjny aryšt, abjaviŭ haładoŭku. Pra heta paviedamlaje pres‑słužba BCHD.
Kašeŭski byŭ zatrymany viečaram 3 sakavika ŭ Minskim mietrapalitenie. Jaho dastavili ŭ sud Leninskaha rajona, dzie pryhavaryli da 15 sutak administracyjnaha aryštu za drobnaje chulihanstva. Zaraz aktyvist znachodzicca ŭ izalatary časovaha ŭtrymańnia.
Kašeŭski zajmaŭsia raspaŭsiudžvańniem niedziaržaŭnaj haziety «Narodnaja vola», adnak padčas zatrymańnia haziet pry sabie ŭ jaho nie było.
Aktyvist mieŭ namier bałatavacca ŭ haradski saviet Žodzina (Smalavicki rajon, Minskaja vobłaść). Adnak z‑za administracyjnaha aryštu jon nie zmoža svoječasova zdać podpisy hramadzian za vyłučeńnie jaho kandydatam u deputaty.
0
0
0
0
0
0
