Nazva pakul nieviadomaja. Hałoŭnuju rolu vykanaje Leanarda dy Kapryo.
Zajava Meła Hibsana pra zaviaršeńnie karjery ŭ kino stała siensacyjaj. Ciapier aktor i režysior pracuje nad filmam pra vikinhaŭ, jaki jon maryŭ źniać ź junackich hadoŭ, adnak nie vyklučana, što hetaja karcina stanie jaho apošniaj pracaj.
Nazva filma pakul zastajecca nieviadomaj. Hałoŭnuju rolu vykanaje Leanarda dy Kapryo. Scenarom zajmajecca Uiljam Monachan, ź jakim dy Kapryo supracoŭničaŭ padčas pracy nad «Adstupnikam». Zdymki pačnucca ŭvosień 2010 hoda.
«Ja maryŭ ab takim prajekcie z padletkavaha ŭzrostu i dumaju, što heta budzie apošniaja karcina, pastanoŭkaj jakoj ja zajmusia. Kali jana budzie skončanaja, ja adčuju, što realizavaŭ usie zadumy», — ličyć Hibsan.
Jon nie moža ŭzhadać nivodnaha sapraŭdy ŭdałaha filma pra vikinhaŭ. «U historyi kino nie było dobraha filma pra hetuju epochu, va ŭsialakim vypadku, ja takoha nie bačyŭ. Ale dumaju, što my ruchajemsia ŭ pravilnym kirunku i prydumali cikavy siužet. Składaniej za ŭsio zrabić hetych chłopcaŭ simpatyčnymi, tamu što nasamreč jany byli sapraŭdnymi monstrami», — adznačyŭ režysior.
U filmie častka hierojaŭ budzie razmaŭlać na staražytnaskandynaŭskaj movie. «My pastarajemsia pakazać hledačam usio, što adbyvałasia ŭ toj čas, z maksimalna mahčymaj detalizacyjaj».
Hibsan dasiahnuŭ vyšyniaŭ u amierykanskaj kinaindustryi. U pačatku
U 2004 hodzie Hibsan źniaŭ film «Pakuty Chrystovy», jakija zasłužyli vysokuju acenku Papy Jana Paŭła II. Niahledziačy na niehatyŭnyja vodhuki mnohich krytykaŭ, film mieŭ vialiki pośpiech u prakacie.
Apošni na siońniašni dzień film Meła Hibsana — «Apakalipsis» (vyjšaŭ u 2006 hodzie) — histaryčny epas pra hibiel cyvilizacyi majia.