Pryčynaj hrupavoha zachvorvańnia na vostruju kišečnuju infiekcyju vychavancaŭ dziciačaha sadka № 29 u Pinsku stała bakteryja salmanieła. Ciapier ustanaŭlivajecca krynica zaražeńnia,
paviedamiŭ hałoŭny dziaržaŭny sanitarny lekar Bresckaj vobłaści Aleh Arnautaŭ.
Pavodle jaho słoŭ, epidemijałahičnaje rasśledavańnie pryčyn uźniknieńnia hrupavoha zachvorvańnia pačata śpiecyjalistami terytaryjalnaha i abłasnoha centraŭ hihijeny i epidemijałohii 20 sakavika — paśla pastupleńnia pieršaj infarmacyi ab zachvarełych.
Usiaho 20—21 sakavika ŭ Pinsku było špitalizavana ŭ infiekcyjnuju i dziciačuju balnicy 86 dziaciej i try supracoŭniki dziciačaha sadka, piać dziaciej lečacca ambułatorna.
Va ŭsich zachvorvańnie lohkaj i siaredniaj stupieni ciažkaści.
Novych vypadkaŭ kišečnaj infiekcyi nie vyjaŭlena. Pavodle infarmacyi na ranicu 23 sakavika, dvoje dziaciej užo vypisany z balnicy.
21 sakavika prakuraturaj Pinska raspačata sprava pa č. 1 art. 336 Kryminalnaha kodeksa (parušeńnie sanitarna‑epidemijałahičnych praviłaŭ).
0
0
0
0
0
0